ءال-فارابي اۋدانى پوليتسيا باسقارماسىنىڭ «102» ارناسىنا كەشكى ساعات 18:50-دە جەرگىلىكتى تۇرعىن ارىزدانعان. ول وندا, التى جاسار قىزىنىڭ ءۇي اۋلاسىندا ويناپ ءجۇرىپ, بەلگىسىز باعىتقا جوعالىپ كەتكەنىن ايتقان.
التى جاسار قىزدى تابۋ ءۇشىن ءال-فارابي اۋداندىق پوليتسيا باسقارماسىنىڭ وكىلدەرى كىرىستى. ىزدەستىرۋ ءىس-شاراسىنا ءتيىستى باسقارمانىڭ بارلىق جەكە قۇرامى جۇمىلدىرىلدى. ءتارتىپ ساقشىلارى اۋلالاردى تەكسەرىپ, تۇرعىنداردان جوعالعان قىز تۋرالى سۇراستىردى. سونداي-اق, كينولوگيانىڭ قىزمەتتىك يتتەرىمەن ىزدەستىرىلدى.
جەدەل ىزدەستىرۋ شارالارىنىڭ ناتيجەسىندە كەشكى ساعات 20:00 دە جەرگىلىكتى پوليتسيا قىزمەتى يۋۆەنالدى پوليتسيا ءبولىمى ينسپەكتورلارى «ناۋرىز» شاعىناۋدانىنداعى «Nauryz Park» ساۋدا ورتالىعىنان التى جاسار قىزدى امان-ەسەن تاۋىپ, اتا-اناسىنا جەتكىزدى.
