نەگىزى قالانعاننان بەرگى 8 جىل ارالىعىندا EdCrunch Glocal الاڭىندا كاسىبي ماماندار, بيزنەس سالاسىنىڭ وكىلدەرى ءبىلىم سالاسىنداعى ترەندتەر بويىنشا تاجىريبە الماسىپ كەلەدى. ءىس-شاراعا ماسكەۋ, تەل-اۆيۆ جانە سينگاپۋرداعى جەرگىلىكتى ستۋديالاردىڭ سپيكەرلەرى ارنايى ينتەراكتيۆتى edcrunch.online الاڭى ارقىلى قوسىلىپ, ءبىلىم كەڭىستىگىندەگى جاڭالىقتاردى تالقىلادى.
كونفەرەنتسيادا ءبىلىم جانە عىلىم ءمينيسترى اسحات ايماعامبەتوۆ زاماناۋي تەحنولوگيالاردىڭ الەۋمەتتىك ينستيتۋتتارعا ىقپالى تۋرالى ايتىپ ءوتتى. ساراپشىلاردىڭ پىكىرىنشە, Edtech نارىعى قازىرگى كەزدە 227 ملرد دوللاردى قۇراسا, تاياۋ كەلەشەكتە بۇل كورسەتكىش بىرنەشە ەسە وسەدى.
ء«بىزدىڭ قازاقستاندىق سەگمەنت كەيىنگى جىلى قارقىندى ءوسىپ كەلەدى. سوڭعى 2 جىلدا كوپ نارسەنى قايتا قاراستىرۋعا تۋرا كەلدى. ءبىلىم بەرۋ پلاتفورمالارى, Zoom, Teams ونلاين-ساباقتارى ءاربىر قازاقستاندىق وقىتۋشىنىڭ تاجىريبەسىنە جىلدام ەنىپ كەتتى. قازاق تىلىندەگى كونتەنت ۇلعايىپ كەلەدى. جەرگىلىكتى EdTech كومپانيالارى كونتەنتتى ءوز بەتىنشە ازىرلەپ, ۇزدىك حالىقارالىق اقپاراتتى دا نارىققا بەيىمدەي باستادى. تسيفرلى كەڭىستىكتەگى قولدانىس, مەڭگەرۋ داعدىلارىنىڭ تومەندىگىنە قاراماستان, قيىن جاعدايدا زاماناۋي مۇمكىندىكتەردى تەز مەڭگەرە الدىق. ەڭ باستىسى, پاندەمياعا دەيىنگى كەزەڭگە كەرى جول جوق. ءبىلىم سالاسى دامي وتىرىپ, جاھاندىق ترەندتەردى تەز مەڭگەرە الادى», دەپ اتاپ ءوتتى مينيستر.
«بالالاردىڭ ەرتە دامۋى», «XXI عاسىر مەكتەبى جانە داعدىلارى», «تسيفرلى ۋنيۆەرسيتەت, كورپوراتيۆتىك وقىتۋ», «EdCrunch Stage, EdTech نارىق جانە ينۆەستيتسيالار», EdCrunch Night – edutainment event ء(بىلىم بەرۋ شوۋى) سياقتى تاقىرىپتاردى ارقاۋ ەتكەن كونفەرەنتسيادا الماتى قالاسىنىڭ اكىمى باقىتجان ساعىنتاەۆ قالانىڭ ءبىلىم جۇيەسىندەگى تەحنولوگيالىق مۇمكىندىكتەرگە توقتالدى. بۇگىندە الماتىدا مىڭنان استام ءبىلىم بەرۋ مەكەمەسى جۇمىس ىستەيدى. وسى ورايدا مەكتەپتەردى زاماناۋي قوندىرعىلارمەن قامتاماسىز ەتە وتىرىپ, تسيفرلى سەرۆيستەردى دامىتۋ, مۇعالىمدەرگە جاعداي جاساۋ تالانتتى بالالاردى قولداۋ جالعاسىن تابا بەرەدى.
«جاڭا ءبىلىم بەرۋ تاجىريبەسىن جوبالاۋ» تاقىرىبىن تالقىلاۋعا الەمنىڭ كوپتەگەن ەلىنەن جينالعان 400-دەن اسا سپيكەر 100-دەن استام پىكىرتالاس الاڭىندا كەزدەسىپ, پەداگوگيكالىق ديزاين سالاسىنداعى وزىق تاجىريبەلەر, ءبىلىم بەرۋ سالاسىنا جاڭا تەحنولوگيالاردىڭ اسەرى, عىلىمي جەتىستىكتەر تاقىرىبىن قامتىدى.
ونلاين جانە وفلاين فورماتتاعى كونفەرەنتسياعا سكولكوۆو باسقارۋ مەكتەبىنىڭ پراكتيكا پروفەسسورى پ.لۋكشا, Fincraft Group حولدينگىنىڭ پرەزيدەنتى ك.راقىشەۆ, رەجيسسەر-ستسەناريست, Bazelevs كينوكومپانياسىنىڭ نەگىزىن قالاۋشى ت.بەكمامبەتوۆ, Tan Media Group يەسى ا.بايتاسوۆ, ء«سابي» قايىرىمدىلىق قورىنىڭ پرەزيدەنتى ءا.تاسماعامبەتوۆا, «ياندەكس» ءبىلىم بەرۋ جوبالارىنىڭ پروديۋسەرى ا.چۋكوۆسكايا, Lancaster Group ديرەكتورلار كەڭەسىنىڭ اكتسيونەرى جانە توراعاسى ب.كانيەۆ, Altyn Qyran Foundation قوعامدىق قورىنىڭ قامقورشىلىق كەڭەسىنىڭ توراعاسى ي.سالجانوۆ, Aitas KZ حولدينگىنىڭ باسشىسى س.تولىقپاەۆ جانە باسقا دا بيزنەس وكىلدەرى مەن ءبىلىم ساراپشىلارى قاتىسىپ, الەمدىك ءبىلىم كەڭىستىگىندەگى جاڭا تەحنولوگيالاردىڭ جەتىستىگى تۋرالى پىكىرلەرىمەن ءبولىستى.
الماتى
