الماتى قالاسىندا ءتيىستى قوعامدىق ءتارتىپتى ساقتاۋ, شەتەلدىكتەردىڭ قازاقستان رەسپۋبليكاسىندا بولۋ ەرەجەلەرىن بۇزۋ فاكتىلەرىن انىقتاۋ ماقساتىندا وتكىزىلگەن «كەلىمسەك» رەسپۋبليكالىق جەدەل-الدىن الۋ ءىس-شاراسى بارىسىندا, كورشى مەملەكەتتەن زاڭسىز كەلگەندەر انىقتالدى.
«بوستاندىق اۋدانىندا ورنالاسقان ارحات شاعىن اۋدانىنداعى تۇرعىن ءۇي كەشەنىنىڭ اۋماعىندا وزبەكستاننان كەلگەن قۇرىلىس بريگادا جۇمىس ىستەگەن. ولار, جۇمىس بەرۋشىلەرى سياقتى, ەلىمىزدىڭ قولدانىستاعى كوشى-قون زاڭناماسىن بۇزىپ, سول ءۇشىن اكىمشىلىك جاۋاپكەرشىلىككە تارتىلدى جانە پد-ءنىڭ قابىلداپ-تاراتۋ ورتالىعىنا ورنالاستىرىلدى. كەيىن سوت شەشىمىمەن شەتەلدىكتەر قازاقستاننان شىعارىلادى», دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
