جىلىتۋ ماۋسىمىنا دايىندىق بويىنشا پروفيلاكتيكالىق جۇمىس 15 تامىزدان باستالادى جانە جىلىتۋ ماۋسىمىنىڭ سوڭىنا دەيىن جالعاسادى. 15 تامىزدان 15 قىركۇيەككە دەيىن الەۋمەتتىك وسال توپقا جاتاتىن وتباسىلاردىڭ ۇيلەرىن ارالاۋ جۇرگىزىلدى. نەگىزىنەن, بۇزۋشىلىقتاردىڭ اراسىندا جىلىتۋ پەشتەرىنىڭ ناشار جاعدايى, ەسكىرگەن ەلەكتر سىمدارى بار. ەلوردالىق تجد باستىعى قۋانىش بازارباەۆتىڭ ايتۋىنشا, جالپى 19 مىڭ بۇزۋشىلىق انىقتالعان.
«بۇل وتباسىلارمەن پروفيلاكتيكالىق اڭگىمەلەر, نۇسقاۋلىقتار وتكىزىلەدى. ارينە, ەسكىرگەن تۇرعىن ءۇي جىلدار وتكەن سايىن جاڭارمايدى, سايكەسىنشە بۇزۋشىلىقتار سانى دا ارتا تۇسەدى», دەدى قۋانىش بازارباەۆ.
بيىل قالالىق اكىمدىكتىڭ جانە قايىرىمدىلىق ۇيىمدارىنىڭ قولداۋىمەن الەۋمەتتىك وسال وتباسىلار ءۇشىن 33 ۋلى گاز داتچيگى ورناتىلدى. جىلىتۋ ماۋسىمىنىڭ سوڭىنا دەيىن تاعى 80 داتچيك ورناتۋ جوسپارلانۋدا.
تجد اۆتونومدى جىلىتۋى بار ۇيلەردىڭ تۇرعىندارى تج قىزمەتكەرلەرىن تەكسەرۋ ءۇشىن كەيدە كىرگىزبەيتىنىن اتاپ ءوتتى. جىلىتۋ ماۋسىمى باستالعاننان بەرى وسىنداي 55 جاعداي تىركەلگەن.
تج دەپارتامەنتىنىڭ ۇسىنىمدارىنا سايكەس, ءوزىڭىزدى ورتتەن قورعاۋ ءۇشىن بىرقاتار ەرەجەلەردى ساقتاۋ قاجەت.
ەلەكتر قۇرالدارىن پايدالانۋ كەزىندە:
- ۇيدە جاسالعان ەلەكتر جىلىتۋ قۇرالدارىن پايدالانا المايتىنىڭىزدى ۇمىتپاڭىز;
- ىسكە قوسىلعان ەلەكتر قۇرالدارىن قاراۋسىز قالدىرماڭىز;
- ەلەكتر سىمدارى مەن كابەلدەردى تەك تۇتاس وقشاۋلاعىشپەن پايدالانىڭىز;
- جارامدى روزەتكالار مەن اجىراتقىشتاردى پايدالانىڭىز;
- ەلەكتر پليتالارى مەن ەلەكتر شاينەكتەرى جانبايتىن ماتەريالداردان جاسالعان تۇعىرىقتاردا بولۋى ءتيىس;
- جەلىنىڭ ارتىق جۇكتەلۋىنە جول بەرمەۋ ءۇشىن ەلەكتر روزەتكاسىنا ءبىر مەزگىلدە بىرنەشە ەلەكتر اسپاپتارىن, اسىرەسە قۋاتى جوعارى اسپاپتاردى قوسپاۋعا تىرىسىڭىز;
- شامادان تىس جۇكتەمەدەن جانە قىسقا تۇيىقتالۋدان قورعاۋ اپپاراتتارىندا كاليبرلەنبەگەن بالقىمالى ەندىرمەلەردى قولدانۋدان باس تارتىڭىز;
- ەلەكتر سىمدارىن ورناتۋدى تەك مامان عانا ورىنداۋى كەرەك ەكەنىن ۇمىتپاڭىز.
پەشتەردى پايدالانۋ كەزىندە:
- پەش پەن مۇرجانىڭ جارامدىلىعىن الدىن الا تەكسەرىڭىز;
- ەسىڭىزدە بولسىن, پەشتىڭ بەتىندەگى قاباتتا جارىقتار مەن تەسىكتەر بولماۋى كەرەك, ال مۇرجادا جاقسى تارتىلىس بولۋى كەرەك;
- ءتۇتىن شىعاتىن قۇبىر ەدەندەردىڭ نەمەسە قابىرعالاردىڭ كونسترۋكتسيالارىنىڭ جانۋ مۇمكىندىگىن بولدىرمايتىنداي ەتىپ جاسالۋى كەرەك ەكەنىن ءبىلىڭىز;
- پەشتىڭ قىزىپ كەتۋىنە جول بەرمەۋ ءۇشىن ونى كۇنىنە بىرنەشە رەت قىزدىرىڭىز;
- پەشتى جاعۋ كەزىندە جانعىش سۇيىقتىقتاردى پايدالانباڭىز;
- جانىپ جاتقان پەشتى قاراۋسىز قالدىرماڭىز;
- پەشتى تەك ەرەسەك ادام عانا جاعۋى كەرەك.
اۋا تەمپەراتۋراسىنىڭ كۇرت تومەندەۋىنە بايلانىستى دەپارتامەنت پەشتى جاعۋ كەزىندە ءورت قاۋىپسىزدىگى ەرەجەلەرىن ساقتاۋعا شاقىرادى.
ءورت شىققان جاعدايدا دەرەۋ قۇتقارۋ قىزمەتىنە 01 (ستاتسيونار بويىنشا) جانە 101 (ۇيالى بايلانىس بويىنشا) تەلەفوندارى بويىنشا جۇگىنۋ قاجەت.
