«دەسترۋكتيۆتى ءدىني اعىمداردى ۇستانۋشىلاردى دەراديكاليزاتسيالاۋ», «زاڭنامالىق نورماتيۆتىك-قۇقىقتىق اكتىلەردىڭ ۇستەمدىگى», ء«داستۇر مەن دىندەردىڭ ۇيلەسۋى» تاقىرىپتارىنا ارنالعان ءۇش كۇندىك كۋرس بارىسىندا قاتىسۋشىلارعا سەرتيفيكاتتار تاپسىرىلدى.
الماتى قالاسى ءدىن ىستەرى جونىندەگى باسقارماسى باسشىسىنىڭ ورىنباسارى ەرعالي كوشەكە وسى ورايدا يمامداردىڭ بىلىكتىلىگىن اتا-بابالارىمىزدىڭ سالت-داستۇرىمەن ۇشتاستىرا وتىرىپ كوتەرۋدىڭ ماڭىزدى ەكەندىگىنە توقتالدى. «بۇگىندە تەرىس اعىمدارمەن كۇرەستە مەملەكەت پەن ءمۇفتيات بىرلەسە جۇمىس ىستەۋى قاجەت. جوبانىڭ ماقساتى – عالامتور, الەۋمەتتىك جەلىلەر ارقىلى تاراعان كەيبىر اقپاراتتارعا ىلەسىپ, سونىڭ ارباۋىندا جات اعىمدارعا كەتىپ جاتقان جاستار اراسىندا ءتالىمدى-تاعىلىمدى ناسيحات جۇرگىزۋ. الەۋمەتتىك جەلىلەردە دىنگە قىزىعۋشىلىق بىلدىرەتىن جاستار كوپ. ولارمەن ناسيحات جۇمىستارىن كۇشەيتۋ ماقساتىندا ورتالىق مەشىت ماماندارىمەن كەلىسە وتىرىپ, بۇل اۋديتوريالاردا جۇمىس ىستەۋدىڭ ءتارتىبى بەلگىلەندى», دەپ اتاپ ءوتتى ە.كوشەكە.
الماتى قالاسىنىڭ باس يمامى تولەبي وسپاننىڭ ايتۋىنشا, الماتى ورتالىق مەشىتى مەن الماتى قالاسى ءدىن ىستەرى جونىندەگى باسقارماسى «ادام جانە قوعام» قوعامدىق قورى بىرلەسە وتىرىپ, وسى جىلى مەشىت جاماعاتتارى اراسىندا سپورتتىق ءىس-شارالار مەن جات اعىممەن كۇرەسكە باعىتتالعان اقپاراتتىق ناسيحات جۇمىستارىن جۇرگىزگەن.
«ادام جانە قوعام» قوعامدىق قورىنىڭ جەتەكشىسى گ ۇلىم نۇرعاليەۆانىڭ ايتۋىنشا, ءىس-شارالاردى وتكىزۋ كەزىندە الماتى قالاسى مەشىتتەرىنىڭ يمامدارىنا 400-دەن اسا ءدارىس وتكىزىلىپ, وعان 150 مىڭنان استام جاماعات قامتىلدى. سونىمەن قاتار جاماعات ءۇشىن 50 «چات» قۇرىلىپ, وسى «چاتتار» مەن توپتاردا اپتاسىنا ەكى رەت تۇراقتى نەگىزدە دەسترۋكتيۆتى ءدىني يدەولوگيانىڭ زاردابى تۋرالى ناسيحات ماتەريالدارى تاراتىلدى. جوبا اياسىندا Instagram, Facebook الەۋمەتتىك جەلىلەرىندەگى جانە Youtube ۆيدەوحوستينگىندەگى قمدب الماتى فيليالىنىڭ رەسمي پاراقشالارىندا تۇراقتى تۇردە ناسيحاتتىق مازمۇنداعى ماتەريالدار جاريالاۋ جالعاسىن تاۋىپ كەلەدى.
الماتى
