ەكولوگيا • 08 جەلتوقسان، 2021

مينيسترلىك جەلقۋار وزەنىندەگى بالىقتاردىڭ قىرىلۋىنا قاتىستى تۇسىنىك بەردى

28 رەت كورسەتىلدى

قر ەكولوگيا، گەولوگيا جانە تابيعي رەسۋرستار مينيسترلىگى قوستاناي وبلىسى جىتىقارا اۋدانىنىڭ جەلكۋار وزەنىندەگى بالىقتاردىڭ قىرىلۋىنا قاتىستى تۇسىنىك بەردى، دەپ حابارلايدى Egemen.kz.

ۆەدومستۆونىڭ ءباسپاسوز قىزمەتى تاراتقان مالىمەتكە سۇيەنسەك، 2021 جىلعى 6 جەلتوقساندا توبىل-تورعاي وبلىسارالىق باسسەيندىك بالىق شارۋاشىلىعى ينسپەكتسياسىنا قوستاناي وبلىسى جىتىقارا اۋدانىنىڭ جەلقۋار وزەنىندە بالىقتاردىڭ قىرىلۋى تۋرالى اقپارات تۇسكەن. اتالعان جەرگە بىرقاتار قۇزىرلى مەكەمەنىڭ ماماندارى بارعان.

«ناتيجەسىندە ورتاشا سالماعى 17-دەن 25 گراممعا دەيىنگى «تورتا» تۇرىندەگى بالىقتاردىڭ قىرىلۋ فاكتىسى انىقتالدى، ولگەن بالىقتىڭ جالپى كولەمى 280 كگ. ەكولوگيا دەپارتامەنتى مەن «بالىق شارۋاشىلىعى عىلىمي-وندىرىستىك ورتالىعى» جشس سولتۇستىك فيليالىنىڭ ماماندارى زەرتحانالىق زەرتتەۋلەر جۇرگىزۋ ءۇشىن سۋ سىنامالارى مەن بالىق ۇشالارىن الدى. ولگەن بالىقتار جينالىپ، كادەگە جاراتۋ ءۇشىن «قوستاناي وبلىسى جىتىقارا اۋدانىنىڭ ۆەتەريناريالىق ستانتسياسى» كمك-عا بەرىلدى»، دەلىنگەن مينيسترلىك حابارلاماسىندا.

ءمالىم ەتىلگەندەي، ءتىرى قالعان بالىقتى ساقتاۋ جانە ودان ءارى قىرىلۋعا جول بەرمەۋ ماقساتىندا توبىل-تورعاي وبلىسارالىق باسسەيندىك بالىق شارۋاشىلىعى ينسپەكتسياسىنىڭ ماماندارى جىتىقارا اۋدانى زابەلوۆكا كەنتىنىڭ اكىمدىگىمەن بىرلەسىپ، مەليوراتسيالىق جۇمىستار (سۋ ايدىنىن اەراتسيالاۋ، شۇڭقىرلاردى بۇرعىلاۋ جانە ماينالاردى كەسۋ) ۇيىمداستىرعان.

«وسى ۋچاسكەدەگى بالىقتىڭ تىعىزدىعىن ازايتۋ ءۇشىن جاقىن ماڭداعى جەلقۋار سۋ قويماسىنا بالىقتاردىڭ ءبىر بولىگىن كوشىرۋ بويىنشا جۇمىستار جۇرگىزىلۋدە. بۇگىنگى تاڭدا ينسپەكتسيا، اۋىل اكىمدىگى جانە «ۆىسترەل» جشس شامامەن 500 كگ بالىقتى قۇتقارۋدى جۇزەگە اسىردى.

قۇتقارۋ جۇمىستارى جالعاسۋدا. بالىقتاردىڭ قىرىلۋىنىڭ الدىن الا سەبەبى – 1،5 گا ۋچاسكەدەگى بالىق رەسۋرستارىنىڭ تولىپ كەتۋىنە بايلانىستى سۋداعى وتتەگىنىڭ بولماۋى. زەرتحانالىق زەرتتەۋلەردىڭ ناتيجەلەرى تۋرالى اقپارات قوسىمشا حابارلاناتىن بولادى»، دەدى مينيسترلىكتىڭ ءباسپاسوز قىزمەتىنەن.

 

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار