بۇل تۋرالى «تاليبان» وكىلىنىڭ ورىنباسارى ينامۋللا سامانگاني Twitter-دە حابارلادى.
ونىڭ ايتۋىنشا, قازىر اۋعانستان ۇكىمەتى مەن حالقىنىڭ اتىنان جالعىز تالىپتەر وكىلدىك ەتەدى جانە بۇۇ-داعى ورىن زاڭ بويىنشا تالىپتەرگە تيەسىلى. ول بۇۇ-عا شەشىم قابىلداردا دۇرىستاپ ويلانۋعا شاقىردى.
«بۇۇ-داعى ورىندى اۋعانستان ۇكىمەتى مەن حالقىنىڭ اتىنان شەشىم قابىلداي المايتىن وكىلگە بەرۋ ادىلەتسىزدىك. بۇل ورىن اۋعانستان ۇكىمەتى مەن حالقىنىڭ قۇقىعى جانە ول قۇقىق ساقتالۋى كەرەك. بىرىككەن ۇلتتار ۇيىمى وسى شەشىمدى قايتادان بايىپپەن قاراۋى قاجەت», دەدى سامانگاني.
تالىپتەردىڭ مالىمدەمەسى بۇۇ باس اسسامبلەياسى ءبىر كۇن بۇرىن اۋعانستان مەن ميانمانىڭ اسكەري حۋنتا بيلىك ەتەتىن ۇيىمدا كىمنىڭ وكىل بولاتىنى تۋرالى شەشىمدى كەيىنگە قالدىرعانىن ەستىگەننەن كەيىن جاسالدى. وسىلايشا, بۇل ەلدەردىڭ قازىرگى ەلشىلەرى بيلىك اۋىسسا دا ءوز ورىندارىندا قالادى.
