ونەر • 07 جەلتوقسان، 2021

بۇگىن «بارىس GENERATION» جاڭا سەريالى ەفيرگە شىعادى

28 رەت كورسەتىلدى

بۇگىن «حابار» تەلەارناسىنان وتاندىق حوككەي سپورتى تۋرالى العاشقى موتيۆاتسيالىق «بارىس GENERATION» جاڭا سەريالى قر اقپارات جانە قوعامدىق دامۋ مينيسترلىگىنىڭ قولداۋىمەن كورەرمەنگە جول تارتادى، دەپ حابارلايدى Egemen.kz.

تەلەتۋىندىنىڭ 15 ءبولىمى بارىسىندا كورەرمەندەر حوككەي الەمىمەن تانىسىپ، كومانداعا جانكۇيەر بولا الادى.

قازاقستاندىق حوككەي كومانداسى تۋرالى جاڭا تەلەجوبا 7 جەلتوقسان كۇنى ساعات 22:30-دا «حابار» تەلەارناسىنىڭ ەفيرىندە كورسەتىلەدى.

«حابار» اگەنتتىگى سپورتتى ءاردايىم قولداپ كەلەدى. «حابار» تەلەارناسىندا سپورت الەمىندەگى ەڭ ماڭىزدى وقيعالاردىڭ ترانسلياتسياسىن وتكىزۋ داستۇرگە اينالعان. ءبىز قىزمەتكەرلەرىمىزدىڭ اراسىندا سپورتتىق مادەنيەتتى تاربيەلەۋگە كوڭىل بولەمىز. جەلتوقسان ايىندا «حابار» تەلەارناسىنىڭ كورەرمەندەرىنە قازاقستاندىق حوككەيدىڭ جەتىستىكتەرى مەن بۇقارالىق سپورتتى ناسيحاتتاۋعا ارنالعان جاڭا تەلەحيكايا جول تارتادى. بۇل جوبا وتاندىق سپورتقا دەگەن قىزىعۋشىلىقتى ارتتىرىپ، ءبىزدىڭ حوككەي كوماندامىزدىڭ ءيميدجىن نىعايتاتىنىنا سەنىمدىمىن»، دەدى «حابار «اگەنتتىگى» اق-نىڭ باسقارما توراعاسى ەرلان بەكحوجين.

سەريالدى تۇسىرىلىمگە دايىندىق اياسىندا اكتەرلىك قۇرام ءۇش اي بويى «بارىس» حوككەي كلۋبىنىڭ جاتتىقتىرۋشىلارى شتابىنىڭ باقىلاۋىندا حوككەي ويىنى بويىنشا ارنايى وقۋدان ءوتتى.

يدەيا اۆتورلارى: ءداۋىت شايحيسلاموۆ، مالىك حاسەنوۆ، سانات شاپاشوۆ، ءسابيت راحىمباەۆ جانە باحتيەر ىسقاقوۆ.

جاڭا سەريالدىڭ قويۋشى رەجيسسەرى: اقان مۇساقۇلوۆ.

ال اكتەرلەرلەر قۇرامى عازرەت ەرجانوۆ، عاني قۇلجانوۆ، دارينا مەنيسوۆا، الىشەر يسمايلوۆ، الديار قۋانىشەۆ، ايدانا قاسىمحان، اقجول سابيعات، رومان لەونتەۆ، نيكيتا گارشين، بەكزات دوستانوۆ، ارەلانا امانگەلديەۆا، شاح-مۇرات ورداباەۆ، اسىلبەك قاپاەۆ، ەۆگەني شۆورنەۆ سىندى اكتەرلەرمەن تولىققان.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار