قوعام • 06 جەلتوقسان، 2021

قازاقستاندا ءبىر جىلدا 8662 ءورت وقيعاسى تىركەلدى

34 رەت كورسەتىلدى

بۇل تۋرالى ماجىلىستە وتكەن «ۇكىمەت ساعاتى» كەزىندە توتەنشە جاعدايلار ءمينيسترى يۋري يلين ايتىپ، سونداي-اق، ءورت شىعۋىنىڭ نەگىزگى سەبەپتەرىن اتادى، دەپ جازادى Egemen.kz.

ءمينيستردىڭ سوزىنشە، ەلدەگى تج مەن وقيعالاردىڭ باسىم كوپشىلىگى – ادامداردىڭ ومىرىنە جانە ەل ەكونوميكاسىنىڭ دامۋىنا قاۋىپ توندىرەتىن جانە بولىپ جاتقان بارلىق تج-نىڭ 89%-ىن قۇرايتىن ورتتەر.

«قابىلدانعان شارالارعا جانە سوڭعى جىلدارى ولاردىڭ تومەندەۋ ۇردىسىنە قاراماستان، ورتتەردىڭ سانى ءالى دە ەلەۋلى بولىپ وتىر. بيىل 8 662 ءورت تىركەلدى، وندا 335 ادام زارداپ شەكتى، 280 ادام قازا تاپتى. ءورت كەزىندەگى ءولىم سەبەپتەرى - جوعارى تەمپەراتۋرا - 83، جانۋ ونىمدەرىنىڭ اسەرىنەن - 176، گاز جارىلىستارىنان - 13، قۇرىلىس كونسترۋكتسيالارىنىڭ قۇلاۋىنان - 3»، دەدى يۋري يلين.

تجم باسشىسىنىڭ ايتۋىنشا، ورتتەردىڭ كوپشىلىگى قالالار مەن ءىرى ەلدى مەكەندەردە بولادى. ولارعا بۇگىندە تەك 416 ءورت ءسوندىرۋ دەپوسى قىزمەت كورسەتەدى، ولاردىڭ جارتىسى 50-70 جىلدارى سالىنعان، 271 عيمارات بەيىمدەلگەن، ال 23-ءى جالعا الىنعان عيماراتتاردا ورنالاسقان، 20 عيمارات اۆاريالىق جاعدايدا.

«قالالار مەن ەلدى مەكەندەردى ءتيىستى ورتكە قارسى قورعاۋدى ۇيىمداستىرۋ ءۇشىن «5 مىڭ جانە ودان دا كوپ حالقى بار، ءبىرىنشى كەزەكتەگى تارتىپپەن 127 ءورت ءسوندىرۋ دەپوسىنىڭ قوسىمشا قۇرىلىسى تالاپ ەتىلەدى. سونىڭ ىشىندە 65 - قالالىق جەرلەردە، 62 - اۋىلدىق ەلدى مەكەندەردە. بيىل 2020 جىلعا قاراعاندا ورتتەر سانى 8%-عا ازايدى. نەگىزگى مەملەكەتتىك ءورت باقىلاۋىنا تۇسەتىن سالالارداعى، وندىرىستىك ماقساتتاعى، ءبىلىم بەرۋ جانە دەنساۋلىق ساقتاۋ عيماراتتارى مەن قۇرىلىستارىنداعى، ساۋدا كاسىپورىندارىنداعى ورتتەردىڭ سانى تومەندەۋىنەن ازايدى»، دەپ ءتۇسىندىردى ۆەدومستۆو باسشىسى ماجىلىستە.

ول ءورتتىڭ نەگىزگى سەبەپتەرى قاراپايىم تالاپتار مەن ءورت قاۋىپسىزدىگىن قامتاماسىز ەتۋ شارالارىن ساقتاماۋ، اقاۋلى ەلەكتر اسپاپتارىن پايدالانۋ، قاۋىپسىز ءجۇرىس-تۇرىس داعدىلارىنىڭ بولماۋى ەكەنىن ايتتى.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار