بايقاۋدىڭ ماراپاتتاۋ راسىمىندە ءسوز العان الماتى قالاسى اكىمىنىڭ ورىنباسارى ەرجان باباقۇماروۆ ءىس-شارانىڭ ماڭىزىنا توقتالىپ, الماتىدا ەل بويىنشا ەڭ ۇلكەن جۋرناليستىك پۋلدىڭ بار ەكەنىن اتاپ ءوتتى.
كونكۋرستىق ساراپتاۋ كوميسسياسىنىڭ قۇرامىندا قازاقستان جۋرناليستيكاسىنىڭ اكادەميگى ۆالەري جانداۋلەتوۆ, قوعامدىق كەڭەستىڭ مۇشەسى, تاۋەلسىز جۋرناليست سەرگەي پونومارەۆ, قالالىق قوعامدىق دامۋ باسقارماسىنىڭ باسشىسى دياس ەسداۋلەتوۆ بولدى.
بايقاۋ قورىتىندىسى بويىنشا 20 جۋرناليست جەڭىمپاز دەپ تانىلدى. ولاردىڭ قاتارىندا ءبىزدىڭ ارىپتەستەر دە بار. ماسەلەن «ۇزدىك جاڭالىق: ساراپتامالىق ماتەريال» اتالىمى بويىنشا ەگەمەندىك ارمان وكتيابر جەڭىمپازدار قاتارىنان كورىنسە, الماتىداعى الەۋمەتتىك ينفراقۇرىلىمدى دامىتۋ جانە اباتتاندىرۋ سالاسىنداعى وزگەرىستەرگە ارنالعان ماقالا جازعان تىلشىلەر ىشىندە ايناش ەسالىنىڭ مەرەيى ۇستەم بولدى.
