وسى جارىسقا قاتىسقان ءتورت قاتىسۋشىنىڭ ىشىندە قازاقستاندىق فۋتزالدىڭ فلاگمانى – الماتىلىق «قايرات» تا بار. تيۋمەندەگى ءتۋرنيردى الماتىدان كەلگەن ۇجىم اشتى. «قايراتتىڭ» قارسىلاسى بەلارۋس چەمپيونى - «ۆيتەن» كومانداسى بولدى. قارسىلاستار شىنىندا دا مىقتى بولدى, سوندىقتان «قايرات» تابىسقا جەتۋ ءۇشىن بار كۇشىن سالدى.
ماتچتاعى ەسەپتى «ۆيتەننىڭ» ويىنشىسى ولەگ ەرەمين اشتى. الماتىلىقتارعا ناتيجەنى تەڭەستىرۋگە بىرنەشە مينۋت ۋاقىت كەتتى, ءدال سوققىمەن ساۆيو كوزگە ءتۇستى.
كوپ ۇزاماي البەرت اقبالىقوۆ قازاقستاندىقتاردى العا شىعارىپ, ەسەپ 2:1 بولدى. الايدا قارسىلاس تاراپ پاۆەل روگوۆيكتىڭ گولىمەن جاۋاپ بەرىپ, تارازى باسىن تەڭەستىردى.
ەكىنشى تايمدا كاكا شاكىرتتەرى «ۆيتەننىڭ» قاقپاسىنا گول سوقتى. جەڭىس دوبىنىڭ اۆتورى شىڭعىس ەسەنامانوۆ بولدى. وسىلايشا, تارتىستى ماتچ 3:2 ەسەبىمەن اياقتالىپ, «قايرات» ا توبىنىڭ تۋرنيرلىك كەستەسىن باسقاردى.
