ايماقتار • 01 جەلتوقسان، 2021

شىمكەنتتە 50 جاڭا اۆتوبۋس جەلىگە شىعارىلدى

81 رەت كورسەتىلدى

1 جەلتوقسان - تۇڭعىش پرەزيدەنت كۇنىنە وراي شىمكەنتتە 50 جاڭا اۆتوبۋس جەلىگە شىعارىلدى. قالا اكىمى مۇرات ايتەنوۆ ارنايى بارىپ اۆتوبۋستاردى كورىپ، دايىندىعىن تەكسەردى، دەپ جازادى Egemen.kz.

«قالاعا الىنعان 590 جاڭا اۆتوبۋستىڭ 300 باعىتتارعا قوسىلعان بولاتىن. بۇگىن، وزدەرىڭىز كورگەندەي 50 اۆتوبۋس جەلىگە شىعارىلۋدا. قالعان 240 جاڭا كولىكتى تاۋەلسىزدىك كۇنى قارساڭىندا تۇرعىندار يگىلىگىنە بەرۋ جوسپارلانۋدا. قازىرگى تاڭدا قوعامدىق كولىكتەردىڭ 80 پايىزى جاڭارتىلدى. جىل سوڭىندا بۇل كورسەتكىش 90 پايىزعا جەتەدى. ناتيجەسىندە اۆتوبۋستاردى جاڭارتۋ بويىنشا شىمكەنت رەسپۋبليكامىزدا العاشقى ۇشتىككە ەنبەك. ەندى، قوعامدىق كولىكتەردىڭ قىزمەت ساپاسى مەن مادەنيەتىن كوتەرۋ باعىتىندا جۇمىس جاساۋىمىز كەرەك. بۇل قىزمەت كورسەتۋشى مەكەمەنىڭ تىكەلەي جاۋاپكەرشىلىگىندە. وسىعان اسا ءمان بەرىڭىزدەر»، دەدى شىمكەنت قالاسىنىڭ اكىمى مۇرات ايتەنوۆ.

1

بۇگىنگى ەلۋ اۆتوبۋس №104، №60 اۆتوبۋس باعىتىندا جانە №6، №51، №67 جاڭا باعىتتاردا قىزمەت كورسەتەتىن بولادى.

1) № 104 اۆتوبۋس باعىتى — قايتپاس ش/ا — وڭتۇستىك ش/ا;
2) № 60 اۆتوبۋس باعىتى — قازىعۇرت ش/ا — تجۆ;
3) № 6 اۆتوبۋس باعىتى — تۇرلان ش/ا — تولە بي ك-ءسى;
4) № 51 اۆتوبۋس باعىتى — سامال ش/ا — تۇركىستان ك-ءسى;
5) № 67 اۆتوبۋس باعىتى — نۇرسات ش/ا — قورعاسىن ايالداماسى.

بارلىق اۆتوبۋستار گازبەن جۇرەتىندىكتەن ەكى ارنايى گاز قۇيۋ بەكەتى سالىندى. جاقىن ارادا ءۇشىنشى گاز قۇيۋ بەكەتى دە ىسكە قوسىلادى.

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار