جاڭا ورتالىقتا تىرەك-قيمىل اپپاراتى بۇزىلعان جانە پسيحونەۆرولوگيالىق اۋىتقۋى بار 18 جاسقا دەيىنگى بالالارعا تولىق ستاتسيونارلىق جاعدايدا الەۋمەتتىك, تۇرمىستىق, مەديتسينالىق, پسيحولوگيالىق, پەداگوگيكالىق, ەڭبەك, مادەني, ەكونوميكالىق, قۇقىقتىق قىزمەت كورسەتىلەدى.
ورتالىقتىڭ اشىلۋ سالتاناتىنا ب.نارىمبەتوۆ باستاعان ءماسليحات دەپۋتاتتارى جانە اباي اۋدانىنىڭ اكىمى ب.پارمانوۆ قاتىستى.
«الەۋمەتتىك جانە زايىرلى قوعامنىڭ باستى مىندەتى – ەرەكشە جاعدايداعى ازاماتتار مەن بالالارعا قولداۋ كورسەتۋ. وسىعان وراي بۇگىن مۇگەدەك بالالاردى وڭالتۋ ورتالىعىنىڭ جاڭا عيماراتىن پايدالانۋعا بەرىپ وتىرمىز. مۇندا ەرەكشە جاعدايداعى بالالاردى قوعامعا الەۋمەتتىك بەيىمدەۋ جانە وڭالتۋ جۇمىستارى جۇرگىزىلەدى. ورتالىقتا ستاتسيونار جاعدايدا 40-قا جۋىق بالاعا قىزمەت كورسەتەدى», دەدى قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆا.
مەديتسينالىق-الەۋمەتتىك مەكەمە ەم-شارالىق, سپورتتىق جانە وزگە دە قىزمەت كورسەتەتىن بولمەلەرمەن جابدىقتالعان. جاڭا ورتالىق سامال-3 شاعىن اۋدانى № 928/1 مەكەنجايىندا ورنالاسقان.
ايتا كەتسەك, قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى 8 ارناۋلى الەۋمەتتىك ورتالىقتار بار. وندا بيىل 2 094 ادام وڭالتۋ شارالارىمەن قامتىلۋدا. ونىڭ ىشىندە: ستاتسيونار جاعدايدا – 835 ازامات, جارتىلاي ستاتسيونار جاعدايدا – 312 ازامات, ۇيدە قىزمەت كورسەتۋ جاعدايىندا – 718 ازامات.
