تەننيس • 30 قاراشا، 2021

كەلەسى قارسىلاس – سەربيا

22 رەت كورسەتىلدى

تەننيستەن قازاقستان قۇراماسى يسپانيانىڭ باس شاھارى – مادريدتە ءوتىپ جاتقان دەۆيس كۋبوگىنىڭ شيرەك فينالىنا شىقتى. توپتىق كەزەڭنىڭ العاشقى ويىنىندا جەرلەستەرىمىز شۆەتسيانى جەڭسە (2:1)، ەكىنشى ماتچتا كانادا قۇراماسىنان 3:0 ەسەبىمەن باسىم ءتۇستى. ءسويتىپ، ۆ توبىندا ءبىرىنشى ورىنعا يە بولعان قازاقستاندىق تەننيسشىلەر شيرەك فينالعا جولداما الدى. بۇل سىندا وتانداستارىمىزدى الەمنىڭ ءبىرىنشى راكەتكاسى نوۆاك دجوكوۆيچ باستاعان سەربيا قۇراماسى كۇتىپ تۇر.

مادريدتەگى قازاقستان – كا­نادا ماتچىن ءبىزدىڭ جىگىتتەردەن ميحايل كۋكۋشكين باستاپ بەردى. شۆەتسيامەن بولعان العاشقى ويىندا جەڭىلىپ قالعان ول بۇل باسەكەدە نامىسقا تىرىسىپ، قازاقستان قۇراماسىنا العاشقى جەڭىستى سىيلادى. الەمدىك رەيتينگتە 234-ورىندا تۇرعان كانادالىق برەيدەن شنۋرمەن كەزدەسكەن ميحايل ءبىرىنشى پارتيادا برەيك جاساپ، 6:3 ەسەبىمەن جەڭىسكە جەتتى. ەكىنشى سەتتە تاي-برەيكتە شنۋردىڭ جولى بولدى – 7:6 (7:5). ءۇشىنشى، شەشۋشى پارتيادا اۋەلى كانادالىق سپورتشى برەيك جاساعانىمەن، كۋكۋشكين الىسقا ۇزاتقان جوق. اقىرى ماتچ­تى تاعى ءبىر برەيكپەن ءتامامدادى – 7:5. تارتىستى وتكەن باسەكە ءۇش ساعاتقا جۋىق ۋاقىتقا سوزىلدى.

ەكىنشى كەزدەسۋدە قازاقستان­نىڭ ءبىرىنشى راكەتكاسى الەكساندر بۋبليك ۆاشەك پوسپيشيلمەن شەبەرلىك بايقاستى. ءبىرىنشى پارتيادا بۋبليك ەكى رەت برەيك جاساپ، 6:2 ەسەبىمەن بۇل سەتتى ءوز پايداسىنا اياقتادى. ەكىنشى سەت تارتىستى ءوتىپ، تاي-برەيكتە قازاقستاندىق تەننيسشى قارسىلاسىنىڭ سەتبول جاساۋىنا مۇمكىندىك بەرمەدى. سوسىن ءوزى ماتچبولىن ءمۇلت جى­بەر­­گەن جوق – 7:6 (8:6). ەكى سەتتە قار­سىلاسىنان باسىم تۇسكەن ا.بۋبليك ەسەپتى 2:0-گە جەتكىزىپ، قازاق­ستان قۇراماسىن مەرزىمىنەن بۇرىن جارىستىڭ شيرەك فينالىنا شىعاردى. وسىلايشا، جەرلەستەرىمىز التىنشى مارتە دە­ۆيس كۋبوگىنىڭ شيرەك فينالىنا جولدا­ما الدى. بۇعان دەيىن قازاق­ستان بەس رەت (2011، 2013، 2014، 2015، 2018) وسى مارەگە دەيىن جەتكەن بولاتىن.

ەكى قۇراما اراسىنداعى سوڭعى، ءۇشىنشى ماتچ ويىن تاعدىرىنا ايتار­لىقتاي اسەر ەتپەيتىن بولسا دا، جەرلەستەرىمىز بۇل تەكە-تىرەس­تە قار­سىلاستارىنا اياۋشىلىق تانىت­قان جوق. جۇپتىق سىندا ان­درەي گولۋبەۆ پەن الەكساندر نە­دو­ۆەسوۆ كانادالىق پەتەر پولانس­كي مەن برەيدەن شنۋردى تىزە بۇكتىردى. ءبىرىنشى پارتيادا برەيك جاساعان قازاقستاندىق جۇپ با­سىم­دىلىق كورسەتتى – 6:4. ەكىن­شى سەتتە تاي-برەيكتە كانا­دالىقتار ءساتتى وينادى – 7:6 (8:6). ءۇشىنشى، شەشۋشى پا­رتيادا قازاق­ستان­دىقتار قار­سىلاستارىنا بەت قا­راتپادى – 6:1. وسى­لايشا، قازاق­ستان قۇراماسى كانادانى 3:0 ەسەبى­مەن جەڭدى.

1 جەلتوقساندا وتەتىن شيرەك فينالدا جەرلەستەرىمىز F توبىندا ەكىنشى ورىن العان سەربيا جىگىت­تەرى­مەن كەزدەسەدى. سەربتەر ءوز تو­ب­ىنداعى العاشقى ويىندا اۋس­­­تريا­­نى 3:0 ەسەبىمەن جەڭسە، گەر­­­ما­نيادان 1:2 ەسەبىمەن جەڭىلىپ قالدى.

سەربيا – الەمدىك رەيتينگتە 7-ورىندا تۇرعان ازۋلى قۇراما. ولار 2010 جىلى دەۆيس كۋبوگىن جەڭىپ العان بولسا، 2013 جى­لى فينالعا دەيىن جەتتى. بۇل قۇرا­مانىڭ قازىرگى تاڭداعى ەڭ ۇزدىك ويىن­شىسى – نوۆاك دجوكوۆيچ. ول «ۇلكەن دۋلىعا» ساناتىنداعى جارىستاردا 20 مارتە توپ جارعان.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار