قازاقستان • 27 قاراشا، 2021

قازاقستاندا ازىق-ت ۇلىك باعاسىنىڭ نولدىك ءوسىمى تىركەلدى

73 رەت كورسەتىلدى

قر پرەمەر-ءمينيسترى اسقار مامين ۇكىمەتتىڭ تسيفرلىق كەڭسەسىندە ورتالىق مەملەكەتتىك ورگاندار باسشىلارىنىڭ جانە وڭىرلەر اكىمدەرىنىڭ قاتىسۋىمەن الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن رەتتەۋ ماسەلەسى جونىندە كەڭەس وتكىزدى، دەپ حابارلايدى Egemen.kz Primeminister.kz سايتىنا سىلتەمە جاساپ.

قازىرگى جاعداي مەن اتقارىلىپ جاتقان جۇمىس تۋرالى ساۋدا جانە ينتەگراتسيا ۆيتسە-ءمينيسترى ەرجان قالدىباەۆ، اۋىل شارۋاشىلىعى ءمينيسترى ەربول قاراشوكەەۆ، باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين، قىزىلوردا وبلىسىنىڭ اكىمى گۇلشارا ابدىقالىقوۆا، نۇر-سۇلتان قالاسىنىڭ اكىمى التاي كولگىنوۆ جانە ت. ب. باياندادى.

وتكەن اپتادا قازاقستاندا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ جالپى ءوسۋ يندەكسى 0،0% قۇرادى. قابىلدانعان شارالار ەسەبىنەن ءتورتىنشى اپتا قاتارىنان پياز (-0،9%)، تۇز (-0،4%)، كۇرىش (-0،3%) باعاسىنىڭ تومەندەۋى بايقالادى. سونداي-اق سيىر ەتى، روجكي جانە ۇن باعاسىنىڭ تومەندەۋى (-0،1%) تىركەلەدى. قالعان ونىمدەر بويىنشا باعالار تۇراقتى.

«اينالىم سحەماسىن» قارجىلاندىرۋدىڭ نىسانالى دەڭگەيى ەل بويىنشا 97،7%-عا قامتاماسىز ەتىلدى. «اينالىم سحەماسى» بويىنشا ءتيىمدى جۇمىس نۇر-سۇلتان، الماتى جانە شىمكەنت قالالارىندا، الماتى، شىعىس قازاقستان، باتىس قازاقستان، قوستاناي، سولتۇستىك قازاقستان جانە تۇركىستان وبلىستارىندا بايقالادى. قىزىلوردا جانە ماڭعىستاۋ وبلىستارىندا جۇرگىزىلىپ جاتقان جۇمىستاردىڭ دەڭگەيى تومەن بولىپ وتىر.

وتكەن اپتادا باسەكەلەستىكتى قورعاۋ جانە دامىتۋ اگەنتتىگى جامبىل، سولتۇستىك قازاقستان، قىزىلوردا جانە اقتوبە وبلىستارىنداعى قۇس ەتى مەن قانت نارىعى سۋبەكتىلەرىنىڭ اتىنا باعالىق ءسوز بايلاسۋ جانە ۇستەم جاعدايدى تەرىس پايدالانۋ بەلگىلەرىنىڭ بولۋى تۋرالى 10 حابارلاما جىبەردى. الماتى، اتىراۋ جانە شىعىس قازاقستان وبلىستارىنداعى وندىرۋشىلەرمەن، كوتەرمە جەتكىزۋشىلەرمەن جانە ساۋدا جەلىلەرىمەن مونوپولياعا قارسى كومپلاەنستىڭ 6 اكتىسى جاسالدى. جالپى، رەسپۋبليكا بويىنشا مونوپولياعا قارسى كومپلاەنستىڭ 160 اكتىسى جاسالدى.

پرەمەر-مينيستر ورتالىق مەملەكەتتىك جانە جەرگىلىكتى اتقارۋشى ورگاندارعا الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ جانە تومەندەتۋ، سونداي-اق ينفلياتسيانىڭ جالپى دەڭگەيىن 8،5% شەگىندە ۇستاپ تۇرۋ بويىنشا جۇمىستى جالعاستىرۋدى تاپسىردى. وڭىرلەردىڭ اكىمدىكتەرىنە بەس ايلىق ازىق-ت ۇلىك قورىن قامتاماسىز ەتۋ جانە باعانىڭ قىمباتتاۋىنا جول بەرمەۋ ءۇشىن ۋاقىتىلى ينتەرۆەنتسيا جۇرگىزۋ تاپسىرىلدى. ۇكىمەت باسشىسى باعا بەلگىلەۋدىڭ بارلىق تىزبەگى بويىنشا دەلدالدىق سحەمالاردى تەرگەۋ جونىندەگى وڭىرلىك كوميسسيالاردىڭ جۇمىسىن جانداندىرۋ قاجەتتىگىنە ەرەكشە نازار اۋداردى.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار