الەم • 27 قاراشا، 2021

قىرعىزستاندا تىنىشتىق كۇنى ورنادى

29 رەت كورسەتىلدى

قىرعىزستاندا جوگوركۋ كەنەشكە دەپۋتاتتار سايلاۋى قارساڭىندا تىنىشتىق كۇنى ورنادى. كانديداتتاردىڭ سايلاۋالدى ۇگىت-ناسيحات جۇمىستارى اياقتالدى، دەپ حابارلايدى Egemen.kz كابارعا سىلتەمە جاساپ.

ەلدە تىنىشتىق ورناعان كۇنى ساياسي پارتيالار ۇگىت-ناسيحات جۇمىستارىن جۇرگىزۋدى توقتاتادى.

جوگوركۋ كەنەش دەپۋتاتتارىن سايلاۋ 2021 جىلدىڭ 28 قاراشاسىندا وتەدى.

2021 جىلعى 11 ساۋىردەگى رەفەرەندۋمدا قابىلدانعان قىرعىزستان رەسپۋبليكاسىنىڭ كونستيتۋتسياسىنا سايكەس جوگوركۋ كەنەشتىڭ جاڭا قۇرامى 90 دەپۋتاتتان تۇراتىن بولادى جانە ارالاس سايلاۋ جۇيەسى بويىنشا 5 جىل مەرزىمگە سايلاناتىن بولادى.

ماسەلەن، جوگوركۋ كەنەشتىڭ 54 دەپۋتاتى بىرىڭعاي سايلاۋ وكرۋگى بويىنشا پروپورتسيونالدى جۇيە بويىنشا (ساياسي پارتيالار كانديداتتارىنىڭ اشىق تىزىمدەرى بويىنشا) سايلانادى، 36 دەپۋتات ءبىر مانداتتى سايلاۋ وكرۋگتەرىندە ماجوريتارلىق جۇيە بويىنشا سايلانادى.

بارلىعى 2494 سايلاۋ ۋچاسكەسى اشىلدى، ونىڭ 59-ى شەتەلدە جانە 2435-ءى ەل اۋماعىندا.

سايلاۋشىلاردىڭ تۇپكىلىكتى تىزىمىنە بىرىڭعاي سايلاۋ وكرۋگى بويىنشا 3 703 420 سايلاۋشى ەنگىزىلدى، ونىڭ ىشىندە 84 128 سايلاۋشى شەتەلدە قۇرىلعان سايلاۋ ۋچاسكەلەرىندەگى سايلاۋشىلار تىزىمىنە ەنگىزىلدى. ءبىر مانداتتى سايلاۋ وكرۋگتەرى بويىنشا سايلاۋشىلار سانى 3 619 292 (شەتەلدە تىركەلگەن سايلاۋشىلاردى ەسەپتەمەگەندە) ادامدى قۇرادى.

سايلاۋعا بارلىعى 21 پارتيا قاتىسادى.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار