پرەزيدەنت • 26 قاراشا، 2021

قاسىم-جومارت توقاەۆ بىرقاتار ەۋروپالىق كومپانيالاردىڭ جەتەكشىلەرىمەن كەزدەستى

66 رەت كورسەتىلدى

مەملەكەت باسشىسى بريۋسسەلدە ەۋروپالىق بيزنەس وكىلدەرىمەن، اتاپ ايتقاندا بەلگيالىق «Joh Cockerill» كومپانياسىنىڭ باسقارما توراعاسى جان-ليۋك مورانجبەن جانە نەمىستىڭ «Svevind Group» كومپانيالار توبىنىڭ پرەزيدەنتى ۆولفگانگ كروپپەن كەزدەستى، دەپ جازادى Egemen.kz اقورداعا سىلتەمە جاساپ.

مەملەكەت باسشىسى قاسىم-جومارت توقاەۆ جان-ليۋك مورانجبەن قازاقستانداعى تەمىرجول لوكوموتيۆتەرى مەن جاڭارتىلاتىن قۋات كوزدەرىن جاڭعىرتۋعا باعىتتالعان ينۆەستيتسيالىق جوبالاردى ىسكە اسىرۋ پەرسپەكتيۆالارىن تالقىلادى.

ۆولفگانگ كروپپەن كەزدەسۋدە ماڭعىستاۋ وبلىسىندا «جاسىل» سۋتەگى ءوندىرىسى سالاسىنداعى Hyrasia One ينۆەستيتسيالىق جوباسىن جۇزەگە اسىرۋ ماسەلەسى ءسوز بولدى.

قاسىم-جومارت توقاەۆ بۇعان دەيىن قولعا الىنعان ينۆەستيتسيالىق جوبالاردىڭ قارقىندى جۇزەگە اسىرىلىپ جاتقانىنا جوعارى باعا بەرىپ، ولاردىڭ قازاقستان ءۇشىن اسا ماڭىزدى ەكەنىن اتاپ ءوتتى. مەملەكەت باسشىسى ەلىمىزدە جۇمىس ىستەيتىن كومپانيالاردىڭ جوبالارىنىڭ جۇزەگە اسىرىلۋ بارىسىن ءوز باقىلاۋىنا الاتىنىن ايتتى. بۇل رەتتە بارلىق ەكولوگيالىق نورماتيۆتەر مەن نۇسقاۋلاردىڭ ساقتالۋى قاجەت ەكەنىن جەتكىزدى.

كەزدەسۋ سوڭىندا مەملەكەت باسشىسىنىڭ قاتىسۋىمەن قازاقستان ۇكىمەتى مەن «Svevind Group» كومپانيالار توبىنىڭ اراسىندا جوبالاردى ىسكە اسىرۋدىڭ نەگىزگى قاعيداتتارى تۋرالى شەكتى كەلىسىمگە قول قويۋ ءراسىمى ءوتتى.

سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار