قىزمەتتەردىڭ باسىم بولىگى ەلەكتروندىق فورماتتا كورسەتىلەدى. سالىمشىلارعا 24,5 ميلليوننان استام ونلاين-قىزمەت كورسەتىلدى, بۇل قىزمەتتەردىڭ جالپى كولەمىنىڭ 73,2%-ن قۇرايدى. وتكەن جىلمەن سالىستىرعاندا كورسەتكىشتەر ەكى ەسەگە دەرلىك (بىلتىر ون ايدىڭ ىشىندە قور سالىمشىلارى قاشىقتان 14,5 ملن جۋىق قىزمەت الدى) ءوستى.
بجزق سايتى مەن ۇيالى بايلانىس تەلەفونىنداعى قوسىمشادا ورنالاسقان جەكە كابينەتتىڭ كومەگىمەن سالىمشىلار قىزمەتتەردى قالاعان ۋاقىتىندا, كەز كەلگەن جەردە الا الادى. اتاپ ايتقاندا, بۇل قىزمەتتەر جەكە زەينەتاقى شوتىنان ءۇزىندى كوشىرمە الۋ, ءوز دەرەكتەمەلەرىنە وزگەرىستەر مەن تولىقتىرۋلار ەنگىزۋ, جزش-نىڭ بولۋى تۋرالى انىقتاما الۋ, مەرزىمسىز ۋاقىتقا 1 نەمەسە 2 توپتاعى مۇگەدەكتىكتىڭ بەلگىلەنۋىنە بايلانىستى زەينەتاقى تولەمدەرىن تاعايىنداۋ تۋرالى ءوتىنىش بەرۋ, تولەمگە بەرىلەتىن ءوتىنىشتىڭ مارتەبەسىن قاداعالاۋ جانە تاعى باسقالار.
«اۆتوماتتى فورماتتا (مالىمدەمەسىز وتىنىشتەر) 5,7 ميلليونداي قىزمەت كورسەتىلدى, ول جالپى كولەمنىڭ 17,4% تەڭ. مىسالى, مىندەتتى زەينەتاقى جارنالارىن (مزج) نەمەسە ەرىكتى زەينەتاقى جارنالارىن (ەزج) ەسەپكە الۋ بويىنشا جەكە زەينەتاقى شوتتارىن اۆتوماتتى تۇردە اشۋ. ەستەرىڭىزگە سالا كەتەيىك, جەكە تۇلعانىڭ بجزق-دا اشىلعان جزش بولماعان جاعدايدا, ول بجزق-نىڭ اقپاراتتىق جۇيەسىندە ءبىرىنشى جارنا كەلىپ تۇسكەن كەزدە اۆتوماتتى تۇردە اشىلادى», دەلىنگەن تاراتىلعان اقپاراتتا.
