تاۋەلسىزدىكتىڭ 30 جىلدىق مەرەيتويىنىڭ جەمىسى – جاس بۋىننىڭ قالىپتاسىپ, وزىندىك يدەيالارىن جۇزەگە اسىرا الاتىن دەڭگەيگە جەتۋىندە جاتىر. سوندىقتان جاستار قوعام دامۋىنىڭ باستى تىرەكتەرى بولۋى كەرەك. تۇڭعىش پرەزيدەنت نۇرسۇلتان نازارباەۆ جاريالاعان «ەلدىكتىڭ جەتى تۇعىرى» ۇعىمى, شىن مانىندە, جاستاردى وتانسۇيگىشتىككە, پاتريوتتىق سەزىمگە باۋليدى.
قازاق جەتى سانىن قاسيەتتى دەپ بىلگەن. بۇل قۇندىلىق جەتى قازىنا, جەتى اتا دەگەن كيەلى ۇعىمدارمەن جالعاسا بەرەدى. ەندەشە, ۇلتتىق تاربيەنى جان-جاقتى ناسيحاتتايمىز دەسەك, تۇپكى تەكتى قوزعاۋدىڭ ءتۇرلى ادىستەرىن ويلاستىرۋ ماڭىزدى.
ەل, جەر, ءتىل – بارلىعى دا قازاق جانارىنىڭ «قاراشىعى». ونسىز دۇنيە قاراڭ. سونىڭ ىشىندەگى ءتىل – تىكەلەي بولمىسقا اسەر ەتىپ, ادامنىڭ ارعى باستاۋلارىن وياتادى.
ءتىلىمىزدىڭ قاسيەتىن ۇمىتپايىق, تاۋەلسىزدىكتى ۇلىقتايىق!
ءبىرجان احمەر,
اقىن, «دارىن» مەملەكەتتىك
جاستار سىيلىعىنىڭ لاۋرەاتى
