سپورت • 25 قاراشا، 2021

بوكسشى ماحمۇد سابىرحانعا شىمكەنتتەن پاتەر بەرىلدى

26 رەت كورسەتىلدى

بۇگىن شىمكەنت قالاسىنىڭ اكىمى مۇرات ايتەنوۆ سەربيادا وتكەن بوكستان ەرەسەكتەر اراسىنداعى الەم چەمپيوناتىنىڭ كۇمىس جۇلدەگەرى ماحمۇد سابىرحانعا تۇرعىن ءۇي سەرتيفيكاتىن تابىستادى، دەپ حابارلايدى Egemen.kz.

كەزدەسۋگە شىمكەنت قالاسى بوكس فەدەراتسياسىنىڭ توراعاسى ا. تۇرىسبەكوۆ قاتىستى.

بىلعارى قولعاپ شەبەرىنە قالا اكىمدىگى مەن بوكس فەدەراتسياسى بىرلەسىپ «ستاندارت» تۇرعىن ءۇي كەشەنىنەن 1 بولمەلى پاتەر بەرىلدى.

سپورتشىنى جەتىستىگىمەن قۇتتىقتاعان قالا باسشىسى الەمدىك ارەنادا الداعى ۋاقىتتا ۇلكەن جەڭىستەرگە جەتەتىنە سەنىمدى ەكەنىن ايتتى.

«ەلىمىزدىڭ تاۋەلسىزدىك العانىنا بيىل 30 جىل تولدى. وسى ۋاقىت ارالىعىندا قازاقستان سپورتشىلارى حالىقارالىق ارەنادا قازاق ەلىنىڭ ابىرويىن اسقاقتاتىپ كەلەدى. ولاردىڭ قاتارىندا ءوزىڭ سەكىلدى تالانتتى بوكسشىلار بار. 20 جاستا الەم چەمپيوناتىنىڭ فينالىندا سىنعا تۇسكەننىڭ ءوزى ۇلكەن ەرلىك جانە جەتىستىك. سەن ءۇشىن ۇلكەن سپورتتاعى ۇلكەن جەڭىستەر باسپالداعى باستالدى. ەندى جاتتىعۋدى كۇشەيتىپ، بۇدان دا بيىك بەلەستى باعىندىرىپ، قازاقستاندىقتاردى قۋانتۋعا كۇش جىگەرىڭدى سال. سەندەرگە قاراپ جاستارىمىز سپورتپەن شۇعىلدانۋعا جانە سالاماتتى ءومىر سالتىن ۇستانۋعا ۇمتىلادى. جەتىستىكتەرىڭدى كورىپ سەندەر سياقتى بولۋعا تالپىنادى. سپورتشىلارىمىزدىڭ جەتىستىكتەرى مەملەكەتتىڭ بەدەلىن ارتتىرۋعا سەپتىگىن تيگىزەدى. سوندىقتان ءبىز الداعى ۋاقىتتا ۇلكەن جەڭىستەر كۇتەمىز»، دەدى اكىم.

ەسكە سالساق، بەلگرادتا وتكەن الەم چەمپيوناتىندا بوكستان قازاقستان ەرلەر قۇراماسى جالپى كوماندالىق ەسەپتە ەكىنشى ورىنعا تۇراقتادى. تەمىرتاس ءجۇسىپوۆ پەن ساكەن بيبوسىنوۆ الەم چەمپيوندارى اتانسا، ماحمۇد سابىرحان مەن سەرىك تەمىرجانوۆ كۇمىس جۇلدەگە، ابىلايحان ءجۇسىپوۆ قولا جۇلدەگە يە بولدى.

 

سوڭعى جاڭالىقتار

11 ءوڭىر «جاسىل» ايماققا كوشتى

كوروناۆيرۋس • بۇگىن، 09:24

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار