كەڭەسكە اقپارات جانە قوعامدىق دامۋ ۆيتسە-ءمينيسترى س.ر.ەگىزباەۆ, ەتنوسارالىق قاتىناستاردى دامىتۋ كوميتەتىنىڭ توراعاسى ع.ن.شويكين, قازاقستان حالقى اسسامبلەياسىنىڭ رەسپۋبليكالىق انالار كەڭەسىنىڭ توراعاسى ن.ى.شاناي, قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى ا.ك.سادۆوكاسوۆا, ورتالىق جانە جەرگىلىكتى اتقارۋشى ورگانداردىڭ باسشىلارى, قحا قۇرىلىمدارى مەن ەتنومادەني بىرلەستىكتەردىڭ وكىلدەرى, قحا «جاڭعىرۋ جولى» رەسپۋبليكالىق جاستار قوزعالىسىنىڭ وڭىرلىك شتابتارىنىڭ باسشىلارى قاتىستى.
كەڭەس بارىسىندا قازاقستان رەسپۋبليكاسىنىڭ پرەزيدەنتى ق.ك.توقاەۆتىڭ 2021 جىلعى 21 قازانداعى قحا كەڭەسىنىڭ كەڭەيتىلگەن وتىرىسىندا بەرگەن تاپسىرمالارىنىڭ ورىندالۋىن ۇيىمداستىرۋ جونىندەگى ماسەلەلەر تالقىلانىپ, ادىستەمەلىك ۇسىنىمدار بەرىلدى.
قحا وڭىرلىك حاتشىلىقتارى, «قوعامدىق كەلىسىم» كمم قىزمەتىنىڭ وزەكتى ماسەلەلەرى, «بەيبىتشىلىك پەن كەلىسىم جولىمەن» تەلەۆيزيالىق جوباسىنىڭ رەسپۋبليكالىق تۇساۋكەسەرىن وتكىزۋدى ۇيىمداستىرۋ, ازاماتتىق ينتەگراتسيا, جالپىۇلتتىق بىرلىك جانە ەتنوسارالىق قاتىناستاردى ۇيلەستىرۋ تاقىرىبىنا قولدانبالى زەرتتەۋلەر ماسەلەلەرى تالقىلاندى, قحا ەتنومادەني بىرلەستىكتەرىنە قوعامدىق اككرەديتتەۋ جۇرگىزۋ بويىنشا بىرقاتار ماسەلەلەر بەلگىلەندى.
قحا انالار كەڭەسىنىڭ وڭىرلەردەگى جۇمىسىن قولداۋدى ۇيىمداستىرۋ جانە ولاردىڭ «تولاسسىز جوبالارىن» ىسكە اسىرۋ تۋرالى قحا رەسپۋبليكالىق انالار كەڭەسىنىڭ توراعاسى ن.ى.شاناي حابارلاما جاسادى جانە قحا-نىڭ الداعى رەسپۋبليكالىق سەسسياسىنا دايىندىق بارىسى تۋرالى «اسسامبلەيا جاستارى» رقب توراعاسى ت.ع.جۇمىرباەۆ باياندادى.
