فوتو: اقوردا
وليمپيادا چەمپيونى جازباسىندا جالاقىسىنا بايلانىستى داۋدان سوڭ جاڭا مالىمدەمە جاساۋعا تۋرا كەلگەنىن اتاپ وتكەن.
سپورتشىنىڭ ايتۋىنشا, ول 2025 جىلى بارلىق تالاپتاردى ورىنداعانىنا قاراماستان, ءالى كۇنگە دەيىن قازاقستاننىڭ ەڭبەك سىڭىرگەن سپورت شەبەرى كۋالىگىن الماعان.
سونداي-اق شايدوروۆ ءوزى مەن كومانداسىنىڭ سوڭعى بەس ايدان بەرى جالاقى الماعانىن, ال جاڭا ماۋسىمعا دايىندىقتىڭ ءىس جۇزىندە توقتاپ تۇرعانىن مالىمدەدى. بۇدان بولەك, ول 2026 جىلعا ارنالعان جاڭا كەلىسىمشارتتا ءالى بولماعان الداعى وليمپيادا ويىندارىنىڭ مەدالىن جەڭىپ الۋ مىندەتى جۇكتەلگەنىن اتاپ ءوتتى.
«2026 جىلعا ارنالعان جاڭا كەلىسىمشارتتى تالقىلاۋ ءۇشىن مەنىمەن جانە كومانداممەن تەك مامىر ايىنىڭ ورتاسىندا عانا بايلانىسقا شىقتى. مەندە مۇنى راستايتىن حات الماسۋ بار. كەلىسىمشارت ءالى كەلىسىلگەن جوق, بىراق بۇل مەنىڭ سوماعا كەلىسپەۋىمنەن نەمەسە كەلۋدەن باس تارتۋىمنان بولىپ وتىرعان جوق. 2026 جىلدىڭ سوڭىنا دەيىنگى مەرزىمگە جاسالعان كەلىسىمشارتتا 2030 جىلعى وليمپيادادا مەدال جەڭىپ الۋ مىندەتتەمەسى كورسەتىلگەن», دەدى ميحايل شايدوروۆ.
سپورتتى دامىتۋ ديرەكتسياسى ميحايل شايدوروۆ جالاقىسىنا قاتىستى تۇسىنىك بەردى
سونداي-اق ول ەگەر كەشىكتىرىلگەن تولەمدەر اۋدارىلسا, جينالعان جالاقىسىنىڭ بارلىعىن بالالارعا كومەك كورسەتۋگە باعىتتايتىنىن جەتكىزدى.
«مەنىڭ ويىمشا, اركىم ءوز جۇمىسىن اتقارۋى كەرەك. مەن – سپورتشىمىن, مەنىڭ مىندەتىم – كۇنىنە ءۇش رەت جاتتىعۋعا شىعۋ, مەن مۇنى ورىنداپ ءجۇرمىن. ەگەر الداعى ۋاقىتتا ماۋسىمعا ارنالعان قارجى بولىنسە, كەشىكتىرىلگەن جالاقىمنىڭ بارلىعىن بالالاردى قورعاۋ كۇنىنە وراي بالالارعا كومەك كورسەتۋگە باعىتتايمىن», دەدى ول.
مانەرلەپ سىرعاناۋشى بۇل جاعدايدى جۇرتشىلىققا جاريا ەتكىسى كەلمەگەنىن, الايدا ءوزىنىڭ اتىنا نۇقسان كەلتىرۋگە جول بەرە المايتىنىن ايتتى.
ەسكە سالا كەتەيىك, ميحايل شايدوروۆتىڭ العاشقى مالىمدەمەسىنە قاتىستى بۇعان دەيىن بىرقاتار وليمپيادا چەمپيوندارى پىكىر بىلدىرگەن بولاتىن.
