مامانداردىڭ ايتۋىنشا, بۇل جانۋاردىڭ وبلىس ورتالىعىنان تابىلۋى وتە سيرەك جاعداي, ويتكەنى ول ادەتتە ادام كوپ شوعىرلانعان جەرلەرگە جاقىندامايدى.
ء«ۇندى جايراسى – كەمىرۋشىلەر توبىنىڭ جايراتەكتەستەر تۇقىمداسىنا جاتاتىن, جويىلىپ كەتۋ قاۋپى بار جانۋار. نەگىزىنەن تاۋلى, جارتاستى جانە شولەيتتى ايماقتاردى مەكەندەيدى. 2024 جىلى وبلىستا 134 جايرا سانى تىركەلسە, بۇگىندە ولاردىڭ سانى 217 باسقا جەتتى», دەيدى جامبىل وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ءبولىم باسشىسى نۇرعالي نيازقۇلوۆ.
سيرەك كەزدەسەتىن جانۋار وبلىستىق ينسپەكتسيانىڭ جۋالى اۋدانىنداعى قىزمەتكەرلەرى مەن قوعامدىق قورلارداعى ەرىكتىلەردىڭ بىرلەسكەن جۇمىسىنىڭ ناتيجەسىندە تابيعاتقا ورالىپ وتىر. ەندى ءۇندى جايراسى «جۋالى-قاراشات» ەرەكشە قورعالاتىن تابيعي اۋماعىنداعى «اقساقالساي» شاتقالىن مەكەن ەتەدى.
ەسكە سالا كەتەيىك, بۇعان دەيىن جامبىل وبلىسىندا قاراقۇيرىق اتقان 48 جاستاعى براكونەر ۇستالعان بولاتىن.
