كەزدەسۋ ەلوردا ۋاقىتىمەن 19:30-دا باستالىپ, Qazsport تەلەارناسىنان تىكەلەي ەفيردە كورسەتىلەدى.
قوس كوماندا بۇگىنگە دەيىن 26 مارتە شەبەرلىك بايقاستى. ونىڭ 12-ءى «بارىستىڭ» باسىمدىعىمەن اياقتالسا, قالعانىندا رەسەيلىك كلۋبتىڭ مەرەيى ۇستەم بولدى. ەكى كوماندا اراسىنداعى سوڭعى التى كەزدەسۋدىڭ ۇشەۋىندە قازاقستاندىق كلۋب جەڭىسكە جەتتى.
«بارىستىڭ» بيىلعى ءتۋرنيردىڭ سوڭعى التى كەزدەسۋىنىڭ ەكەۋىندە جولى بولدى, قالعانىندا قارسىلاستارىنا ەسە جىبەرىپ قويدى. ال «دينامو» سوڭعى التى كەزدەسۋدىڭ بىرەۋىندە قارسىلاستارىن تىزە بۇكتىردى.
ەسكە سالساق, قازاقستاندىق كلۋب بۇدان بۇرىن رەسەيدە «سەۆەرستال» كومانداسىنا ەسە جىبەردى. ال «دينامو» رەسەيدىڭ «سيبير» كومانداسىنان جەڭىلدى. قازىر «بارىس» 30 ويىننان كەيىن 26 ۇپايمەن تۋرنير كەستەسىندە 20-ورىندا كەلەدى. ال «دينامو» 34 ۇپايمەن 14-ورىندا تۇر.
