ارحيۆ ماماندارى ءۇشىن ايتۋلى مەرەكەدە پرەزيدەنت قاسىم-جومارت توقاەۆتىڭ قۇتتىقتاۋ حاتى وقىلدى. «100 جىلدىق تاريحىندا ورتالىق مەملەكەتتىك ارحيۆ الەمدەگى ەڭ ءىرى ارحيۆتەردىڭ بىرىنە اينالدى, ول ەڭ باي جانە قايتالانباس تاريحي قۇجاتتاردى بىرىكتىرە الدى, وزىندىك دامۋ جولى مەن ىشكى ءداستۇرىن قالىپتاستىردى. وسى ورايدا ارحيۆ قىزمەتكەرلەرىنىڭ باعا جەتپەس ۇلەسى مەن ەڭبەگى لايىقتى باعالانۋعا ءتيىس. بۇل باعىتتا مينيسترلىك بىرقاتار جۇمىس اتقاردى. قازاقستان رەس-
پۋبليكاسى تاۋەلسىزدىگىنىڭ 30 جىلدىعىنا وراي العاش رەت 100-دەن استام ارحيۆ قىزمەتكەرى «ارحيۆ سالاسىنىڭ ۇزدىگى» ۆەدومستۆولىق ناگراداسىنا يە بولدى. سونداي-اق 22 جەلتوقساندا العاش رەت كاسىبي مەرەكە ء«ارحيۆشى كۇنىن» اتاپ وتەمىز», دەلىنگەن قۇتتىقتاۋدا.
سالتاناتتى شارا بارىسىندا مادەنيەت جانە سپورت ءمينيسترى اقتوتى رايىمقۇلوۆا مۇراعات ماماندارىن وسى ايتۋلى كۇنمەن قۇتتىقتاپ, «كەز كەلگەن مەملەكەت ءۇشىن ارحيۆ قىزمەتىنىڭ ستراتەگيالىق ماڭىزى بار. اقپاراتتىق تەحنولوگيالاردى دامىتۋ ناتيجەسىندە بۇگىنگى تاڭدا ارحيۆ كوزدەرى ۇلتتىق رەسۋرستاردىڭ ءبىرى جانە ۇلتتىق بىرەگەيلىكتى تاربيەلەۋدىڭ ماڭىزدى كوزى ەكەنى انىق. سونداي-اق تۇعىرلى تاۋەلسىزدىگىمىزدىڭ 30 جىلدىعىن اتاپ ءوتۋدىڭ نەگىزگى تۇجىرىمداماسى جىل باسىندا جارىق كورگەن مەملەكەت باسشىسى قاسىم-جومارت توقاەۆتىڭ «تاۋەلسىزدىك بارىنەن قىمبات» ماقالاسىندا جان-جاقتى اتاپ كورسەتىلدى. وسى ورايدا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ ارحيۆ سالاسى تۋرالى: «ارحيۆ – قاعاز قويماسى ەمەس, ءنار بەرۋشى كاۋسار بۇلاق», دەپ اتاپ وتكەن بولاتىن. سوندىقتان دا بۇل ايتۋلى مەرەكە – بارشا حالقىمىزدىڭ مەرەكەسى», دەدى مينيستر. وسى ورايدا ۆەدومستۆو باسشىسى بىرقاتار ارحيۆ سالاسىنىڭ قىزمەتكەرىن «ارحيۆ سالاسىنىڭ ۇزدىگى» توسبەلگىسىمەن جانە «قازاقستان رەسپۋبليكاسىنىڭ ورتالىق مەملەكەتتىك ارحيۆىنە-100 جىل» مەرەيتويلىق مەدالىمەن ماراپاتتادى.
بۇتىندەي ءبىر حالىقتىڭ وتكەنىن قۇجاتتىق دەرەكتەرمەن جيناقتاپ, ۇلتتىڭ قازىناسى رەتىندە ساقتاپ وتىرعان تاريحي شەجىرە قويماسىنىڭ وتكەنى مەن بۇگىنى جايىندا ايتىپ وتكەن مادەنيەت جانە سپورت ۆيتسە-ءمينيسترى نۇرعيسا داۋەشوۆ: «تاۋەلسىزدىكتىڭ 30 جىلدىعى مەن ۇلتتىق ءارحيۆتىڭ 100 جىلدىعىن قاتار اتاپ ءوتۋ ەلىمىز تاريحىنداعى ايتۋلى مەرەكە عانا ەمەس, ونىڭ كەلەشەك ۇرپاق ءۇشىن رۋحاني قۇندىلىعى جوعارى», دەپ اتاپ وتسە, ورتالىق مەملەكەتتىك ارحيۆ ديرەكتورى ءسابيت شىلدەباي: «مەملەكەتتىلىگىمىزدىڭ قۇجاتتىق نەگىزى بولىپ تابىلاتىن ارحيۆ قۇجاتتاردى ساقتاپ, عىلىمي ەڭبەكتەردى جاريالاپ قانا قويماي, بولاشاقتا عىلىمي ورتالىققا اينالۋى كەرەك. الداعى ۋاقىتتا وسى باعىتتا جۇمىس ىستەۋدى جوسپارلاپ وتىرمىز», دەپ اتاپ ءوتتى. ال مۇندا ساقتالعان قۇجاتتار تاريحي ساناسى قالىپتاسقان, بويىندا ۇلتتىق يدەياسى بار ازاماتتار ءۇشىن اسا قۇندى.
مەرەيتويلىق ءىس-شارا بارىسىندا شەتەلدەردەن الىنعان ارحيۆ قۇجاتتارىنىڭ كوشىرمەلەرىنەن دايارلانعان «جاۋھار جادىگەرلەر» كورمەسى مەن ءارحيۆتىڭ 100 جىلدىق مەرەيتويىنا وراي جارىققا شىققان عىلىمي جيناقتار تانىستىرىلدى.
الماتى
