«مۋايتايدان بالالار اراسىنداعى قازاقستان رەسپۋبليكاسىنىڭ چەمپيونى 12 جاسار جارقىنبەك ورازالىنىڭ مەزگىلسىز قايتىس بولۋىنا بايلانىستى تۋعان-تۋىستارىنا قايعىرىپ كوڭىل ايتامىز», دەلىنگەن ۆەدومستۆونىڭ الەۋمەتتىك جەلىدەگى پاراقشاسىندا.
ايتا كەتەيىك, 16 قاراشا كۇنى اقمولا وبلىسىنىڭ شورتاندى كەنتىندە گاز باللونى جارىلىپ, 3 ادام كوز جۇمدى, تاعى ون ادام اۋرۋحاناعا ءتۇستى. وقيعا تۇنگى ساعات 22:00 شاماسىندا شورتاندى كەنتىندە لينەينايا كوشەسى, 28 مەكەنجايى بويىنشا ورنالاسقان ءۇش پاتەرلى تۇرعىن ۇيدە بولدى.
گاز باللونىنىڭ جارىلۋى سالدارىنان 3 پاتەرلى جەكە ءۇي ورتەنىپ, ونىڭ ءبىر بولىگى قۇلادى. گاز باللونىنىڭ جارىلۋىنا ءورت قاۋىپسىزدىگى ەرەجەسىنىڭ ساقتالماۋى سەبەپ بولعان.
اۋرۋحاناعا تۇسكەندەردىڭ اراسىندا دەنەسىنىڭ 70 پايىزىن تەرميالىق كۇيىك شالعان 12 جاستاعى ەر بالا قاراشانىڭ 20-دا كوز جۇمعان بولاتىن.
