الاياقتىڭ ايلا-امالىنا ەلوردا, الماتى جانە اتىراۋ تۇرعىندارى قۇربان بولعان.
«زاڭ جانە كونسالتينگتىك قىزمەتتەر بيۋروسى» جشس ديرەكتورى بولا وتىرىپ, بولاشاق قۇرباندارىمەن تانىسۋ كەزىندە ول ءوزىن بىلىكتى زاڭگەر رەتىندە تانىستىردى. ودان بولەك, كۇدىكتى ءوزىن دەپۋتاتتىڭ شتاتتان تىس كەڭەسشىسى دەپ اتاعان. ادامداردىڭ سەنىمىنە كىرىپ العان الاياق زاڭدى قىزمەتتەر كورسەتۋ ءۇشىن جەكە ساۋالنامالىق دەرەكتەردى سۇراعان. قۇجاتتارعا كەدەرگىسىز قول جەتكىزە وتىرىپ, ولاردىڭ سۋرەتىن سكانەرلەپ, ونلاين نەسيە الىپ وتىردى. ال زارداپ شەگۋشىلەر بانكتەردەن مەرزىمى وتكەن تولەمدەر تۋرالى قوڭىراۋلار تۇسە باستاعان كەزدە عانا الداۋدىڭ قۇربانى اتانعانىن ءبىلدى», دەپ مالىمدەدى نۇر-سۇلتان پد ءباسپاسوز قىزمەتى.
جابىرلەنۋشىلەردىڭ بارلىعى كۇدىكتىگە كونسالتينگتىك قىزمەت كورسەتۋ بويىنشا جۇگىنگەنىن ايتادى. الاياق ولاردىڭ بىرىمەن دوستىق قارىم-قاتىناستا بولا تۇرا, ءتورت ونلاين-كرەديت رەسىمدەپ ۇلگەرگەن.
كەلتىرىلگەن زياننىڭ جالپى سوماسى 10 ملن تەڭگەدەن اسادى.
جالعا الىنعان كەڭسەنى ءتىنتۋ بارىسىندا 15 جالعان ءمور تاركىلەندى.
كۇدىكتىنىڭ وسىعان ۇقساس قىلمىستارعا قاتىستىلىعىن تەكسەرۋ ءۇشىن ەلىمىزدىڭ باسقا وڭىرلەرىنە سۇراۋ جولداندى. تەرگەۋ امالدارى جۇرگىزىلىپ جاتىر. ال «دەپۋتاتتىڭ شتاتتان تىس كەڭەسشىسى» قاماۋعا الىندى
