بۇل تۋرالى اقش اسكەري-تەڭىز كۇشتەرىنىڭ ستراتەگيالىق جۇيەلەر باعدارلامالارىنىڭ جەتەكشىسى, ۆيتسە-ادميرال دجونني ۆۋلف مالىمدەدى. ول سونىمەن بىرگە فلوتتىڭ گيپەرسونيالىق جابدىقتارىنا جاۋاپ بەرەدى.
ۆۋلف مالىمدەگەندەي, امەريكاندىق اسكەري-تەڭىز كۇشتەرىندە سۇڭگۋىر قايىقتاردان ۇشىرىلعان گيپەرسونيالىق زىمىرانداردى قولدانۋ 2025-2028 جىلدارعا شەگەرىلگەن بولاتىن. سونىڭ ىشىندە سۋ استىنداعى سىناق جابدىقتارىنا بايلانىستى قارجىلاندىرۋ ۋاقىتشا توقتاعان. اقش فلوتىنىڭ گيپەرسونيالىق زىمىرانداردى الۋعا دەگەن ۇمتىلىسىنىڭ ءبىر سەبەبى, قحر-دىڭ وسى سالاداعى مۇمكىندىكتەرىنىڭ ارتۋى بولىپ وتىر.
ء«بىز ولاردى 2023 جىلى قۇرلىق اسكەرلەرىنە ورنالاستىرماقپىز. سونداي-اق 2025 جىلى zumwalt جويعىشىنا پايدالانۋعا ءتيىستىمىز. سودان كەيىن 2028 جىلى زىمىرانداردى «ۆيردجينيا» كلاسىنىڭ سۇڭگۋىر قايىقتارى ءۇشىن الامىز», دەدى ۆۋلف.
بۇدان بولەك, «تسيركون» گيپەرسونيالىق زىمىراندارىن رەسەي اسكەري-تەڭىز كۇشتەرىنە سەريالىق جەتكىزۋ 2022 جىلى باستالادى دەپ كۇتىلۋدە. سوڭعى رەت رەسەي قورعانىس مينيسترلىگى ولاردىڭ سىناقتارى تۋرالى 18 قاراشا كۇنى حابارلاعان ەدى. سولتۇستىك فلوتتىڭ فرەگاتى اق تەڭىزدە ورنالاسقان تەڭىز نىساناسىنا تاعى ءبىر وق جاۋدىردى جانە ونى تىكەلەي سوققىمەن ءدوپ تيگىزدى. بۇل ماسەلە دە اقش-تىڭ ۇيقىسىن قاشىرعانى راس.
وتكەن جىلدان باستاپ رەسەي «تسيركون» زىمىراندارىن سىناقتان وتكىزدى. جالپى, قورعانىس مينيسترلىگىنىڭ رەسمي مالىمەتتەرى بويىنشا, كەمە بەس رەت جاڭا زىمىرانداردى اتقان.
«تسيركون» - الەمدەگى العاشقى الەۋەتى وتە زور گيپەرسونيالىق زىمىران. ول ءوزىنىڭ قوزعالتقىشىنىڭ تارتىلۋىن پايدالانىپ جانە اتموسفەرادا مانەۆر جاساي وتىرىپ, ۇزاققا ۇشۋعا قابىلەتتى. ونىڭ ماكسيمالدى جىلدامدىعى توعىز دىبىس جىلدامدىعىنا جەتەدى, ماكسيمالدى اتىس دياپازونى – 1 مىڭ شاقىرىم. «تسيركون» جەر ۇستىندەگى جانە سۋ استىنداعى نىسانداردى جويۋعا باعىتتالعان قارۋ.
