قازاقستان • 19 قاراشا، 2021

عالىمدار سۋ تاسقىنىن بولجايتىن جۇيە مەن قوسىمشا ازىرلەدى

109 رەت كورسەتىلدى

وتاندىق عالىمدار «سۋ تاسقىنىن بولجايتىن پلانشەت» قوسىمشاسىن جاساپ شىعاردى. «سۋ تاسقىنىن بولجايتىن پلانشەت» اگرونومدارعا ارنالعان كومەكشى قۇرال بولماق. بۇل تۋرالى Egemen.kzء بىلىم جانە عىلىم مينيسترلىگىنە سىلتەمە جاساپ حابارلايدى.

«اگرونومعا ارنالعان پلانشەتتى» د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتىنىڭ عالىمدارى ازىرلەدى.

تەحنيكا عىلىمىنىڭ دوكتورى ۆالەنتينا كولپاكوۆا: «اگرونومعا ارنالعان پلانشەت» قوسىمشاسى – ۇيدە دە، دالادا دا جۇمىس ىستەۋگە ارنالعان امبەباپ قوسىمشا. بۇل اۋىلشارۋاشىلىق جۇمىستارىندا ءپورتاتيۆتى ەلەكترونيكانىڭ ارتىقشىلىقتارىن پايدالانۋعا مۇمكىندىك بەرەدى. ورىستەر تاريحى، كارتالار، انىقتامالىقتار جانە باسقا قۇجاتتاردىڭ مۇراعاتتاردا ساقتالۋى مامانداردىڭ شەشىم قابىلداۋ پروتسەسىن جەڭىلدەتەدى. قوسىمشادا اۋىل شارۋاشىلىعى القاپتارىنىڭ جاي-كۇيى تۋرالى اقپارات پەن ەگىس جۇمىستارىن ودان ءارى جوسپارلاۋ جونىندەگى ۇسىنىمدار دا بار»، دەيدى.

عالىمنىڭ ايتۋىنشا، تەحنولوگيا اگرونومدارعا اۋىلشارۋاشىلىق القاپتارىنداعى جاعدايدى باقىلاۋعا مۇمكىندىك بەرەدى، سونىڭ نەگىزىندە ىقتيمال تاۋەكەلدەردى ەسكەرىپ، ەكونوميكالىق ءتيىمدى شەشىمدەر قابىلداۋعا بولادى.

اتالعان جوعارى وقۋ ورنىنىڭ زەرتتەۋشىلەرى پلانشەتكە قوسا ەلىمىزدەگى اگرونومدارعا سۋ تاسقىنىن مونيتورينگىلەپ، بولجاۋعا كومەكتەسەتىن ەلەكتروندى رەسۋرس ازىرلەدى. ەلەكتروندى جۇيەدە ينفراقۇرىلىم وبەكتىلەرىنىڭ تسيفرلىق، كوورديناتتىق جانە كارتوگرافيالىق دەرەكتەرى بار.

«شىعىس قازاقستان وبلىسىندا بەلگىلى ءبىر كەزەڭدە وزەندەر ارناسىنان شىعىپ، كەنتتەر مەن تۇرعىن ۇيلەردى سۋ باسۋ قاۋپى تۋادى. سوندىقتان ءبىزدىڭ الدىمىزدا وزەندەردەگى سۋ دەڭگەيىن باقىلاۋ تيىمدىلىگىن ارتتىراتىن جانە ماۋسىمدىق سۋ تاسقىنىن بولجاۋعا مۇمكىندىك بەرەتىن كەشەندى اقپاراتتىق-تالداۋ جۇيەسىن ازىرلەۋ مىندەتى تۇردى. وزەن گيدراۆليكاسىن جانە ىقتيمال سۋ باسۋ ايماقتارىن ءدال مودەلدەۋ ءۇشىن ءبىز MIKE باعدارلامالىق كەشەنىن، سونداي-اق ArcGIS، QGIS، NextGIS زاماناۋي گەواقپاراتتىق جۇيەلەرىن پايدالانامىز. بۇل توتەنشە جاعدايدى بولجاۋ ساپاسىن جاقسارتۋعا جاعداي جاسايدى. ناتيجەسىندە ءبىز سۋ تاسقىنى مەن ەلدى مەكەندەردى سۋ باسۋدىڭ الدىن الۋ ءۇشىن قاجەتتى تولىق اقپارات الامىز»، دەدى عالىم، PhD دوكتورى مارجان توعىزوۆا.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار