ەل تاۋەلسىزدىگىنىڭ 30 جىلدىعىن مەرەكەلەۋ اياسىندا نۇر-سۇلتان قالاسىنىڭ مەملەكەتتىك ارحيۆىندە العاش رەت اتىراۋ وبلىسى مەملەكەتتىك ءارحيۆىنىڭ قورلارىنان بىرەگەي قۇجاتتار مەن فوتوماتەريالدار ۇسىنىپ وتىر. ءىس-شاراعا وڭىرلىك ارحيۆتەردىڭ وكىلدەرى, قوعام قايراتكەرلەرى, جوعارى وقۋ ورىندارىنىڭ وقىتۋشىلارى مەن ستۋدەنتتەرى, قالا قوناقتارى, باق وكىلدەرى قاتىستى.
ەكسپوزيتسيادا قالانىڭ قۇرىلعان ساتىنەن باستاپ بۇگىنگى كۇنگە دەيىنگى قالىپتاسۋ تاريحىن قامتيتىن اسا قۇندى قۇجاتتار كورسەتىلدى. كورمە بەلگىلى ولكەتانۋشىلار مەن ارحيۆ سەرىكتەستەرىنىڭ جەكە قورلارىنان الىنعان ماتەريالداردان نەگىزدەلگەن.
كورمەنىڭ اشىلۋ سالتاناتىندا نۇر-سۇلتان قالاسى تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ سالا قىزمەتكەرلەرىن قۇتتىقتاپ, وسىنداي يگىلىكتى كەزدەسۋدى ۇيىمداستىرعانىنا العىس ايتتى.
«ارحيۆ – ۇلتتىڭ بايلىعى. وتكەندى ۇلىقتاۋ ۇلتقا مىندەت. قۇندى قۇجاتتاردى ساقتاپ, سارالاپ وقىرمانعا ۇسىنىپ وتىرعان ارحيۆ سالاسىنىڭ مايتالماندارىنىڭ ەڭبەگى زور. ەكى ءىرى قالانىڭ شەجىرەلى شاڭىراقتارى باس بىرىكتىرىپ, سالانىڭ جاندانىۋىنا جول اشىپ وتىر. ىستەرىڭىزگە بەرەكە تىلەيمىن», دەدى س.ەسىركەپ.
اتالعان كورمە بارىسىندا «نۇر-سۇلتان قالاسى مەملەكەتتىك ءارحيۆىنىڭ ەرەكشە قۇندى قۇجاتتار جيناقتارىنان» بەينەجازبا كورسەتىلدى.
اتىراۋ وبلىسى مەملەكەتتىك ارحيۆىمەن الداعى ۋاقىتتا بىرلەسە جۇمىس جاساۋ ءۇشىن مەموروندۋمعا قول قويىلىپ, سوڭى عىلىمي-پراكتيكالىق سەمينارعا ۇلاستى. بولاشاقتا مۇنداي ماڭىزدى ءىس-شارا باسقا وڭىرلەرمەن دە جالعاسىن تابادى.
