شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ءتارتىپ ساقشىلارى ءوڭىر اۋماعىندا 15 قاراشادان باستاپ «مال ۇرلىعى» جەدەل-الدىن الۋ شاراسىن جۇرگىزۋدە. مۇنداعى ماقسات – مال ۇرلىعىمەن اينالىساتىنداردى انىقتاۋ جانە قىلمىستىق جاۋاپكەرشىلىككە تارتۋ.
ء«بىر كۇن ىشىندە پوليتسەيلەر مال مەن ەت ونىمدەرىن تاسىمالداعان 139 اۆتوكولىكتى, 122 شارۋا قوجالىعىن جانە ساۋدا ورىندارىن تەكسەردى. ۆەتەريناريا سالاسىندا قۇقىق بۇزۋشىلىق جاساعان 18 ادام قر اقبتك-ءنىڭ 406-بابىنا سايكەس جاۋاپقا تارتىلدى. سونداي-اق مال جايۋ ەرەجەلەرىن بۇزعان 56 ادامعا ايىپپۇل سالىندى», دەلىنگەن اقپاراتتا.
پوليتسيا قىزمەتكەرلەرى شارا بارىسىندا تۇرعىندارعا مالدى تاڭبالاۋعا جانە قاراۋسىز قالدىرماۋعا كەڭەس بەردى.
