جوباعا ۇلتتىق اۋدارما بيۋروسى دا قولداۋ كورسەتكەن.
قازاق حاندىعىنىڭ قۇرىلىمى مەن ساياسي ومىرىنە نەگىزدەلىپ جازىلعان تاريحي ەپوپەيانىڭ اۋديونۇسقاسىن قازاق راديوسىنىڭ ارداگەر ديكتورى بۇركىت بەكماعامبەتوۆ دىبىستاپ شىققان.
«ەگەمەندىكتى, ەل مەن جەردى بىزگە امان جەتكىزگەن حاندار مەن ءباھادۇر باتىرلاردىڭ ەرلىگى جۇيەلەپ جازىلعان «كوشپەندىلەر» تاريحي تريلوگياسىن تاۋەلسىزدىك تويى قارساڭىندا ارنايى باعدارلاما ەفيرىنەن شىعارۋ قازاق راديوسىنىڭ تاۋەلسىزدىك تويىنا قوسقان ءبىر ۇلەسى», دەدى «قازاق راديولارى» جشس باس رەداكتورى – «قازاق راديوسى» راديوارناسىنىڭ ديرەكتورى دۋلات ابيبۋللاەۆ.
سوڭعى ەكى جىلدا قازاق راديوسى ەفيرىندە تاحاۋي احتانوۆتىڭ, حامزا ەسەنجانوۆتىڭ, ءازىلحان نۇرشايىقوۆتىڭ, جۇسىپبەك ايماۋىتوۆتىڭ, ءابىش كەكىلباەۆتىڭ, قاليحان ىسقاقتىڭ, ساكەن ءجۇنىسوۆتىڭ, بەردىبەك سوقپاقباەۆتىڭ, ءسابيت مۇقانوۆتىڭ, شەرحان مۇرتازانىڭ, مۇحتار ماعاۋيننىڭ ەڭبەكتەرى مەن اڭگىمەلەرى اۋديوكىتاپ فورماتىندا بەرىلگەن.
ايتا كەتەيىك, ايگىلى «كوشپەندىلەر» تۋىندىسى كەڭەستىك كەزەڭدە ۇلتتىق تاريحىمىز تۋرالى جازىلعان العاشقى كولەمدى شىعارمالاردىڭ ءبىرى.
ءىلياس ەسەنبەرليننىڭ «كوشپەندىلەر» تريلوگياسىنا جازۋشىنىڭ 1969 جىلى قازاقتىڭ سوڭعى حانى كەنەسارى تۋرالى «قاھار» رومانى مەن «الماس قىلىش» جانە «جانتالاس» روماندارى كىرەدى. «كوشپەندiلەر» تريلوگياسىن ورىس تىلىنە اۋدارعان موريس سيماشكو. كىتاپتىڭ تەك ورىس تىلىندەگى نۇسقاسى 12 رەت قايتا باسىلىپ, جالپى تيراجى 1,5 ميلليوننا استى.
