ءىس-شاراعا الەمنىڭ 24 ەلىنىڭ مەملەكەت جانە ۇكىمەت باسشىلارى, سىرتقى ىستەر, ءبىلىم جانە مادەنيەت مينيسترلەرى, سونداي-اق مۇشە مەملەكەتتەردىڭ ەلشىلەرى مەن تۇراقتى وكىلدەرى قاتىستى.
مارتەبەلى جيىنعا ارناعان سوزىندە ەلشى قازاقستان رەسپۋبليكاسى تاۋەلسىزدىگىنىڭ 30 جىلدىعىن اتاپ ءوتۋ جىلىندا ءوتىپ جاتقان ءىس-شارانىڭ ەرەكشە ءمانى بار ەكەنىن اتاپ ءوتىپ, ەلىمىزدىڭ تۇراقتى جانە پروگرەسسيۆتى مەملەكەت قۇرۋداعى نەگىزگى جەتىستىكتەرىن اتاپ ءوتىپ, ارىپتەستىك رۋحىندا يۋنەسكو شەڭبەرىندەگى ىنتىماقتاستىقتىڭ ودان ءارى قارىشتى دامۋىنا ءۇمىت ءبىلدىردى.
ول يۋنەسكو-نىڭ باس ديرەكتورى رەتىندە جاڭا مەرزىمگە سايلانۋىنا بايلانىستى ودرە ازۋلەنى قۇتتىقتاي وتىرىپ, قازاقستان باسشىلىعىنىڭ وسى بەدەلدى حالىقارالىق ۇيىم مەن ونىڭ نەگىزگى ورگاندارىنىڭ دايەكتى جۇمىسىنا قولداۋ كورسەتەتىنىن مالىمدەدى.
تۇراقتى وكىل يۋنەسكو باسشىلىعىن 2022 جىلعى قىركۇيەكتە نۇر-سۇلتان قالاسىندا وتەتىن الەمدىك جانە ءداستۇرلى دىندەر ليدەرلەرىنىڭ VII سەزىنە شاقىردى.
قازاقستاننىڭ يۋنەسكو-نىڭ حالىقارالىق تىزىلىمىنە مادەني جانە تابيعي مۇرانىڭ ءارتۇرلى نىساندارىن ەنگىزۋ جونىندەگى بەلسەندى قىزمەتىن اتاي وتىرىپ, ەلشى قازاقستان ۇكىمەتىنىڭ يۋنەسكو-نىڭ كونۆەنتسيالىق قۇجاتتارىنا سايكەس ءوز اۋماعىندا دۇنيەجۇزىلىك مۇرا ەسكەرتكىشتەرىنە كەشەندى قورعاۋدى قامتاماسىز ەتۋ بويىنشا تۇراقتى جۇمىس اتقارۋعا نىق نيەتىن راستادى.
ج. عاليەۆ قازاقستاننىڭ باستامالارىن قولداعانى ءۇشىن يۋنەسكو-عا مۇشە مەملەكەتتەرگە العىسىن ءبىلدىرىپ, دۇنيەجۇزىلىك مۇرا كوميتەتىنە ەلىمىزدىڭ 2023-2027 جىلدارعا ارنالعانكە كانديداتۋراسىن قولداۋعا شاقىردى.
