جاۋىنگەرلىك دايارلىق دەپارتامەنتىنىڭ باستىعى – قازاقستان قارۋلى كۇشتەرى باس شتابى باستىعىنىڭ ورىنباسارى گەنەرال-مايور داۋلەت وسپانوۆ بىرلەسكەن وقۋ-جاتتىعۋ باسشىلىعىنىڭ قۇرامىندا قازاقستاندىق بولىمشەنىڭ ءىس-قيمىلىن ۇيلەستىردى.
ونىڭ ايتۋىنشا, وقۋ-جاتتىعۋدىڭ نەگىزگى ماقساتى بەيبىتشىلىكتى قولداۋ جونىندەگى بىرلەسكەن وپەراتسيانى وتكىزۋدە ۇجىمدىق قاۋىپسىزدىك تۋرالى شارت ۇيىمى ۇجىمدىق بىتىمگەرشىلىك كۇشتەرى بولىمشەلەرىنىڭ ۇيلەسىمدى بايلانىسىن ارتتىرۋ بولدى.
قازاقستاندىق بىتىمگەرلەر گۋمانيتارلىق جۇگى بار لەكتەردى الىپ ءجۇرۋ, جەرگىلىكتى جەردى پاترۋلدەۋ بويىنشا وقۋ-جاۋىنگەرلىك تاپسىرمالاردى ورىنداۋعا قاتىستى, شارتتى داعدارىس اۋدانىنداعى قاقتىعىستى رەتتەۋ ءۇشىن ەلدى مەكەندى بۇعاتتادى. قورىتىندى كەزەڭدە تاجىريبە ءىس-قيمىلىنىڭ كەشەندى ويىنى وتكىزىلدى.
وقۋ-جاتتىعۋعا بارلىعى 1 700-دەن استام اسكەري قىزمەتشى, 300-دەن اسا اسكەري تەحنيكا مەن اسكەري اۆياتسيا تىكۇشاقتارى جۇمىلدىرىلدى.
