«قازگيدرومەتتىڭ» بولجامىنا سايكەس, سولتۇستىك-باتىس تسيكلونى قازاقستان تەرريتورياسىمەن تەز جىلجي وتىرىپ, ەلىمىزدىڭ سولتۇستىك جارتىسىنا جاۋىن-شاشىن الىپ كەلەدى, قار جۋى دا مۇمكىن. رەسپۋبليكانىڭ باسىم بولىگىندە جەل كۇشەيىپ, سولتۇستىكتە جاياۋ بۇرقاسىن, كوكتايعاق بولادى, وڭتۇستىكتە تۇمان تۇسەدى.
اقمولا وبلىسىنىڭ سولتۇستىگى مەن شىعىسىندا كوكتايعاق, جاياۋ بۇرقاسىن سوعىپ, جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.
سولتۇستىك قازاقستان وبلىسىنىڭ سولتۇستىگى مەن باتىسىندا تۇمان, كوكتايعاق, جاياۋ بۇرقاسىن, تۇندە وڭتۇستىك-باتىسىندا جەلدىڭ جىلدامدىعى 15-20 م/س-قا دەيىن كۇشەيەدى.
قوستاناي وبلىسىنىڭ وڭتۇستىك-باتىسىندا كوكتايعاق, شىعىسىندا جەل سەكۋندىنا 15-20 مەترگە دەيىن كۇشەيىپ, جاياۋ بۇرقاسىن سوعادى.
اقتوبە وبلىسىنىڭ باسىم بولىگىندە تۇندە, كۇندىز سولتۇستىك-شىعىسىندا جاياۋ بۇرقاسىن سوعادى, كوكتايعاق بولىپ, سولتۇستىگىندە جەل 15-20 م/س جىلدامدىقپەن ۇيتقيدى.
تۇركىستان وبلىسىنىڭ باسىم بولىگىندە كۇندىز جەلدىڭ جىلدامدىعىن سەكۋندىنا 15-20 مەترگە جەتەدى, تاۋلى اۋداندارىندا ەكپىنى 23 م/س بولادى, سولتۇستىگىندە شاڭدى داۋىل تۇرىپ, تۇندە جانە تاڭەرتەڭ تاۋلى اۋداندارى مەن تاۋ بوكتەرىندە تۇمان تۇسەدى.
شىعىس قازاقستان وبلىسىنىڭ سولتۇستىك-شىعىسىندا جاياۋ بۇرقاسىن سوعادى, باتىسىندا جەلدىڭ جىلدامدىعى سەكۋندىنا 15-20 مەترگە جەتەدى.
قاراعاندى وبلىسىنىڭ باتىسى, سولتۇستىگى مەن ورتالىعىندا كوكتايعاق بولىپ, جاياۋ بۇرقاسىن سوعادى, وڭتۇستىگىندە تۇمان ءتۇسىپ, سولتۇستىگى مەن ورتالىعىندا جەل 15-20 م/س جىلدامدىقپەن ۇيتقيدى.
جامبىل وبلىسىنىڭ سولتۇستىگى, وڭتۇستىك-باتىسى مەن تاۋلى اۋداندارىندا جەلدىڭ جىلدامدىعى سەكۋندىنا 15-20 مەترگە جەتەدى, كۇندىز وڭتۇستىك-باتىسىندا جەلدىڭ ەكپىنى 23-28 م/س-كە دەيىن كۇشەيەدى, تۇندە جانە تاڭەرتەڭ تاۋلى اۋداندارىندا تۇمان ءتۇسىپ, كوكتايعاق بولادى.
كۇندىز قىزىلوردا وبلىسىنىڭ ورتالىعىندا, پاۆلودار وبلىسىنىڭ وڭتۇستىك-باتىسىندا جەل 15-20 م/س جىلدامدىقپەن سوعادى.
تۇندە باتىس قازاقستان وبلىسىنىڭ شىعىسىندا كوكتايعاق بولۋى ىقتيمال.
