سامميت سوڭىندا تۇركى كەڭەسى ەلدەرىنىڭ باسشىلارى ۇيىمنىڭ بولاشاعىنا قاتىستى ماڭىزدى شەشىمدەر قابىلدايدى.
الدىمەن تۇركىمەنستاننىڭ تۇركىتىلدەس مەملەكەتتەر ىنتىماقتاستىعى كەڭەسىندەگى باقىلاۋشى مارتەبەسى تالقىلانادى. بۇل ۇيىمعا تۇركىتىلدەس مەملەكەتتەردىڭ بارلىعىن قامتۋعا مۇمكىندىك بەرەدى.
سونىمەن قاتار, ۇيىمنىڭ اتاۋىن تۇركى مەملەكەتتەرى ۇيىمى دەپ وزگەرتۋ جوسپارلانۋدا. تۇركى كەڭەسى اقساقالدار كەڭەسىنىڭ جارعىسى جاڭارتىلادى. ارىپتەس ەلدەر مەن باقىلاۋشىلاردىڭ مارتەبەسى دە ناقتىلانادى.
سونداي-اق «2040 تۇجىرىمداماسىن» بەكىتۋ جوسپارلانۋدا. تۇركى كەڭەسىنىڭ قۇرمەتتى توراعاسى نۇرسۇلتان نازارباەۆتىڭ باستاماسىمەن دايىندالعان بۇل قۇجات 2040 جىلعا دەيىنگى ىنتىماقتاستىقتىڭ نەگىزىن قۇرايدى.
سامميت بارىسىندا ازەربايجان رەسپۋبليكاسىنىڭ پرەزيدەنتى يلحام اليەۆ تۇركى الەمىنىڭ جوعارى وردەنىمەن ماراپاتتالدى.
