«قوعام مەن مەملەكەتتىڭ تۇراقتى دامۋى مۇددەسىندەگى ارىپتەستىكتىڭ 30 جىلدىعى» مەرەيتويلىق X ازاماتتىق فورۋمى 2021 جىلعى 22-26 قاراشا ارالىعىندا وتەدى.
فورۋمنىڭ ءىس-شارالارى دەموكراتيالىق پروتسەستەردى دامىتۋ, قازاقستاندا بۇۇ-نىڭ ورنىقتى دامۋ ماقساتتارىن ىسكە اسىرۋ ماسەلەلەرىنە, سونداي-اق سوتسيۋمنىڭ, مەملەكەت پەن بيزنەستىڭ ولارعا قول جەتكىزۋدەگى نەگىزگى مىندەتتەرىنە ارنالادى. فورۋم باعدارلاماسى كوپتەگەن تاقىرىپتاردى, ساراپشىلار مەن قاتىسۋشىلاردى قامتيدى. سونداي-اق فورۋم اياسىندا 30-دان استام پىكىرتالاس الاڭدارى, ساراپتامالىق تالقىلاۋلار, فاسيليتاتسيالىق جانە پانەلدىك سەسسيالار ۇيىمداستىرىلادى.
فورۋم قارساڭىندا جانە اپتا بويى مينيسترلەردىڭ ازاماتتىق قوعام وكىلدەرىمەن كەزدەسۋلەرى, اكىمدەردىڭ وڭىرلەردەگى ۇەۇ وكىلدەرىمەن كەزدەسۋلەرى, شاعىن گرانتتار جوبالارىنىڭ تانىستىرىلىمى, سونداي-اق «ۇەۇ سىيلىعى» مەن «تاڭداۋ» سىيلىعىن سالتاناتتى تۇردە تاپسىرۋ ءراسىمى ۇيىمداستىرىلادى.
ماديار قوجاحمەتتىڭ ايتۋىنشا, فورۋمنىڭ مازمۇندى باعدارلاماسى ازاماتتىق قوعامدا تۋىنداعان بارلىق پروبلەمالىق ماسەلەلەردى: قوعامدىق باقىلاۋ تەتىكتەرىن جەتىلدىرۋدەن باستاپ الەۋمەتتىك سالانىڭ, تسيفرلاندىرۋدىڭ, ءبىلىم بەرۋ جانە دەنساۋلىق ساقتاۋ جۇيەلەرىنىڭ وزەكتى ماسەلەلەرىن شەشۋگە دەيىن قامتۋعا مۇمكىندىك بەرەدى. ول تەرەڭ سيمۆولدىق مانگە ەرەكشە نازار اۋداردى.
«2003 جىلى ەلباسىنىڭ باستاماسىمەن وتكەن قازىرگى ازاماتتىق فورۋم ءبىزدىڭ تاۋەلسىزدىگىمىزدىڭ 30 جىلدىعى بەلگىسىمەن وتۋدە», دەدى ول.
«مەملەكەت پەن ۇكىمەتتىك ەمەس سەكتوردىڭ ءوزارا ءىس — قيمىلى سالاسىنداعى ەلدىڭ ەڭ ءىرى وقيعاسىنىڭ نەگىزگى يدەياسى-قازاقستاننىڭ ازاماتتىق قوعامىنا جاھاندىق كوزقاراس.ء بىز ازاماتتىق قوعامدى دامىتۋدىڭ وزەكتى ماسەلەلەرىن ەسكەرە وتىرىپ, تاريحقا, بۇگىنگە جانە بولاشاققا تالداۋ جاساعىمىز كەلەدى. X ازاماتتىق فورۋمنىڭ مازمۇندى باعدارلاماسى بارلىق قاتىسۋشىلارعا مەملەكەتتىك ورگاندار مەن ۇەۇ بىرلەسكەن كووپەراتسياسىنىڭ جۇيەلى ماسەلەلەرى مەن شەشىمدەرى تۋرالى ايتۋعا مۇمكىندىك بەرەدى», دەدى قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا
سونداي-اق بريفينگ سپيكەرلەرى سانيتارلىق-ەپيدەميولوگيالىق نورمالاردى ساقتاۋ قاجەتتىلىگىن ەسكەرە وتىرىپ, فورۋم وفلاين جانە ونلاين گيبريدتى فورماتتا وتەتىنىن ايتتى. مىسالى, الماتىدا وتەتىن ءىس-شارالارعا 150 دەلەگات قاتىسادى. سونىمەن قاتار,ء ىس-شارالاردى وتكىزۋ مۇمكىندىكتەرى مەن ونلاين-فورماتىنىڭ ارقاسىندا X ازاماتتىق فورۋم جۇمىسىنا قازاقستاننىڭ تۇكپىر-تۇكپىرىنەن ۇەۇ, مەملەكەتتىك ورگاندار, ساراپشىلار قوعامداستىعى مەن باق-تىڭ 20.000-نان استام وكىلدەرى قاتىسادى دەپ كۇتىلۋدە.
«فورۋم اپتالىعىنىڭ ونلاين-ترانسلياتسياسى Facebook پاراقشاسىندا جانە YouTube ارناسىندا جۇرگىزىلەدى.
فورۋم سايتىندا مەرەيتويلىق ح ازاماتتىق فورۋمعا تىركەۋ اشىلدى, ول ءۇش تىلدە: قازاق, ورىس جانە اعىلشىن تىلدەرىندە جۇرگىزىلەدى.
قاتىسۋعا ءوتىنىمدى فورۋمنىڭ رەسمي سايتىندا قالدىرۋعا بولادى: azamattyqforum10.kz.
ازاماتتىق فورۋم – بۇل ازاماتتىق قوعامنىڭ, بيلىك پەن بيزنەستىڭ مۇددەلەرىن حالىقارالىق ۇكىمەتتىك ەمەس سەكتورمەن بايلانىستىراتىن نەگىزگى, ەڭ ءىرى ديالوگ الاڭى.
فورۋم ۇەۇ كوشباسشىلارىنىڭ, مەملەكەتتىك ورگانداردىڭ, ۇلتتىق كومپانيالاردىڭ, بيزنەستىڭ ءبىرىنشى باسشىلارىنىڭ, وتاندىق جانە شەتەلدىك ساراپشىلاردىڭ قاتىسۋىمەن وتەدى», دەلىنگەن مينيسترلىك تاراتقان اقپاراتتا.
