ەلوردالىق پوليتسيا دەپارتامەنتىندە «جول قاۋىپسىزدىگىن قامتاماسىز ەتۋ. ماس كۇيىندە كولىكتى باسقارۋدىڭ جولىن كەسۋ بويىنشا رەيدتىك ءىس-شارالار وتكىزۋ» تاقىرىبىندا بريفينگ ءوتتى.
پوليتسيا دەپارتامەنتى تاراپىنان ەلوردا جولدارىندا جول قوزعالىسى قاۋىپسىزدىگىن قامتاماسىز ەتۋگە باعىتتالعان ءىس-شارالاردى تۇراقتى تۇردە جۇزەگە اسىرادى.
سونداي-اق اپاتتىق تالداۋدى ەسكەرە وتىرىپ, بەكەتتەردىڭ ورنالاسۋىنا جانە ساپتىق بولىمشەلەردىڭ پاترۋلدەۋ باعىتتارىنا تۇزەتۋلەر ەنگىزىلەدى.
وتكەن كەزەڭدە 130 مىڭنان استام جول قوزعالىسى ەرەجەلەرىن بۇزعانداردىڭ جولى كەسىلدى.
كولىكتى ماس كۇيىندە باسقارعانى ءۇشىن 1 181 جۇرگىزۋشى ۇستالدى.
1 400-دەن استام اپاتتىق جاعدايلاردى تۋعىزۋ فاكتىلەرىنىڭ جولى كەسىلدى. 16 653 جاياۋ جۇرگىنشىگە ايىپپۇل سالىندى.
(5036) مەكتەپتەردىڭ جانە (874) مەكتەپكە دەيىنگى مەكەمەلەردىڭ قامتىلۋىمەن ونلاين جانە وفلاين رەجيمدە بالالاردىڭ جول-كولىك جاراقاتىنىڭ الدىن الۋ بويىنشا دارىستەر ۇيىمداستىرىلدى.
جۇرگىزۋشىلەر اراسىندا كولىك ءتارتىبىن ارتتىرۋعا باعىتتالعان «ماس جۇرگىزۋشى قىلمىسكەر», «اۆتوبۋس», «نازار اۋدارىڭىز باعدارشام», «نازار اۋدارىڭىز بالالار», «قاۋىپسىز جول» جانە ت.ب. جەدەل-الدىن الۋ ءىس-شارالارى جۇرگىزىلۋدە.
ماسەلەن ايتا كەتسەك, جول قاۋىپسىزدىگىن كۇشەيتۋ ماقساتىندا اعىمداعى جىلدىڭ 8-17 قاراشاسى ارالىعىندا قالا اۋماعىندا «قاۋىپسىز جول» اتتى رەسپۋبليكالىق الدىن الۋ ءىس-شاراسى وتكىزىلۋدە.
جول ءجۇرۋ ەرەجەلەرىن قاداعالاۋ كەزىندە جول ءجۇرۋدىڭ اپاتتىق جاعدايىنا اسەر ەتەتىن ورەسكەل بۇزۋشىلىقتارعا سونداي-اق جاياۋ جۇرگىنشىلەرمەن جۇمىس جۇرگىزۋگە ەرەكشە نازار اۋدارىلادى.
«قاۋىپسىز جول» جەدەل الدىن الۋ ءىس-شاراسىن وتكىزۋدىڭ العاشقى ەكى كۇنىندە دەپارتامەنت قىزمەتكەرلەرى مۇددەلى ورگاندارمەن بىرلەسىپ, جول قوزعالىسى ەرەجەلەرىن بۇزۋدىڭ 1436 دەرەگىن انىقتادى.
20 كولىكتى ماس كۇيىندە باسقارۋ;
اپاتتى جاعداي تۋدىرعانى ءۇشىن 19 بۇزۋشىلىق انىقتالدى;
33 قاراما-قارسى باعىتقا شىعىپ كەتۋ;
37 باعدارشامنىڭ تىيىم سالىنعان بەلگىسىنە ءوتۋ;
238 جاياۋ جۇرگىنشىلەردىڭ جولدىڭ ءجۇرۋ بولىگىن كەسىپ ءوتۋ سىندى فاكتىلەر انىقتالىپ بارلىعى 82 اۆتوكولىك ايىپپۇل تۇراعىنا ورنالاستىرىلدى.
«قاۋىپسىز جول» اتتى جەدەل-الدىن الۋ شاراسى اياسىندا اۆتوشەرۋ ۇيىمداستىرىلدى.
