بۇگىن ەلوردالىق كىتاپحانا باسشىلارى مەن قىزمەتكەرلەرىنە ۇلتتىق اكادەميالىق كىتاپحانادا اقپارات جانە قوعامدىق دامۋ, ءبىلىم جانە عىلىم, مادەنيەت جانە سپورت مينيسترلىكتەرىنىڭ وكىلدەرى «ۇلتتىق رۋحاني جاڭعىرۋ» ۇلتتىق جوباسىنىڭ نەگىزگى باعىتتارى تۋرالى ماتەريالداردى تانىستىردى.
ۇلتتىق اكادەميالىق كىتاپحانانىڭ ديرەكتورى, پەداگوگيكا عىلىمدارىنىڭ دوكتورى ءۇمىتحان مۇڭالباەۆا ادەبيەتتى, وقىرماندار بويىندا مادەنيەتتى ىلگەرىلەتۋدەگى ۇلتتىق جوبانىڭ ماڭىزدىلىعىن جانە قازاقستاندىقتاردى تۋعان ەلدىڭ مادەني-تاريحي مۇراسىمەن تانىستىرۋ قاجەتتىلىگىن اتاپ ءوتتى.
مادەنيەت جانە سپورت مينيسترلىگىنىڭ وكىلى م.ارعىنبەكوۆ ۇلتتىق جوبا اياسىندا كىتاپ وقۋدى ناسيحاتتاۋعا باعىتتالعان جۇمىس جالعاساتىنىن ايتتى. وسىلايشا, قازاقستاننىڭ ۇلتتىق ەلەكتروندىق كىتاپحاناسىنىڭ اقپاراتتىق جۇيەسىن جەتىلدىرۋ, تۇرلەندىرۋ جانە ءموبيلدى قوسىمشالار ارقىلى قولجەتىمدىلىكتى قامتاماسىز ەتۋ قاراستىرىلدى.
