«بيىل «ەكو» ارقىلى دۇنيەگە كەلگەن العاشقى قازاقستاندىق بالا 25-كە كەلدى. وسىناۋ 25 جىلدىق قىسقا ۋاقىتتىڭ ىشىندە ەلىمىزدە 85 مىڭ ەرلى-زايىپتى ەمدەۋدەن وتكەن. قازان ايىندا «ەكو» ارقىلى 25 مىڭىنشى بالا ومىرگە كەلدى. بۇل - وتە ماڭىزدى وقيعا دەۋگە بولادى. وسى قىسقا ۋاقىتتا ەلىمىزدە زاماناۋي تەحنولوگيالاردىڭ ءبارى ەنگىزىلگەنىن اتاپ كەتۋ كەرەك. ونىڭ اراسىندا يمپلانتاتسيا الدىنداعى گەنەتيكالىق سكرينينگ تە بار. ياعني, بۇگىندە 5 كۇندىك ەمبريوننىڭ بۇكىل حروموسومالارىن زەرتتەۋگە مۇمكىندىك بار. وسىنىڭ ارقاسىندا پاتولوگياسى بار ەمبريوندى جاتىرعا سالماي تۇرىپ دياگنوستيكالاۋعا بولادى», دەدى ول ورتالىق كوممۋنيكاتسيالار قىزمەتىندە وتكەن بريفينگىدە.
ونىڭ ايتۋىنشا, قازىرگى تەحنولوگيالاردىڭ ارقاسىندا ەرلەردىڭ بەلسىزدىگىن ەمدەۋدىڭ ءتۇرلى تاسىلدەرى بار.
«ەكوباعدارلامالار اياسىندا جۇرگىزىلەتىن ەمنىڭ شامامەن 50 پايىزى ەرلەردىڭ سىرقاتىمەن بايلانىستى. جالپى, بالا سۇيە الماي جۇگىنگەندەردىڭ 40 پايىزىندا - ايەل بەدەۋلىگى, 30 پايىزىندا - ەرلەردىڭ فاكتورى, قالعانىندا ەكىجاقتى فاكتور كەزدەسەدى. ەرلەر فاكتورى «ەكو» جاساتۋعا ءجيى سەبەپ بولادى. توقسانىنشى جىلدارى ICSI تەحنولوگياسى پايدا بولعاننان بەرى جۇمىرتقا جاسۋشاسىنا ءبىر عانا cپەرماتوزويد سالۋ ارقىلى ۇرىقتاندىرۋعا بولاتىنى دالەلدەندى. سونىڭ ارقاسىندا بەلسىز دەپ تانىلعان ەرلەردىڭ كوبى ءوز كىندىگىنەن شىققان بالا ءسۇيۋ مۇمكىندىگىنە يە بولىپ وتىر. قازىر دونوردىڭ ۇرىعىنا سۇرانىس سيرەك», دەدى ۆياچەسلاۆ لوكشين.
