«2022-2024 جىلدارى ەلوردادا سپورت نىساندارىن دامىتۋعا 529,8 ملن تەڭگە قارجى ءبولۋ قاراستىرىلىپ وتىر. ونىڭ ىشىندە 2022 جىلى 29,8 ملن تەڭگە بولىنبەك. بۇل قاراجات قاجىمۇقان مۇڭايتپاسوۆ اتىنداعى ورتالىق ستاديوننىڭ قۇرىلىس جوباسىنا جۇمسالادى. جالپى ورتالىق ستاديونعا كۇردەلى جوندەۋ جۇرگىزۋ ماسەلەسى بۇرىننان قوزعالىپ كەلە جاتىر. كۇردەلى جوندەۋدىڭ جوسپارى جاسالا باستاعان كەزدە جوبالاۋشىلار اتالعان نىساننىڭ اپاتتى جاعدايدا ەكەنىن ايتتى. وسىدان اقىلداسا كەلە, ستاديوندى جوندەۋمەن قاتار قايتا جاڭارتۋ كەرەك دەگەن شەشىم قابىلداندى.
بۇگىندە ورتالىق ستاديون تەحنيكالىق تەكسەرۋدەن ءوتتى. ەندى توتەنشە جاعدايلار ساراپتاماسىنىڭ قورىتىندىسىن كۇتىپ وتىرمىز», دەدى نۇر-سۇلتان قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قايسار ماڭقاراەۆ ەلوردا ءماسليحاتىنىڭ تۇراقتى كوميسسياسى وتىرىسىندا.
