ايماقتار • 10 قاراشا، 2021

تۇركىستاندىق الاياق WhatsApp ارقىلى تۇرعىنداردان 24 ملن تەڭگە جىمقىرعان

156 رەت كورسەتىلدى

تۇركىستان وبلىسىندا WhatsApp مەسسەندجەرىندە ءۇش چات اشىپ، قارجى پيراميدالارىن ۇيىمداستىرعان تۇرعىن انىقتالدى، دەپ حابارلايدى Egemen.kz.

«قازىرگى ۋاقىتتا ۇيدەن شىقپاي-اق چاتتار مەن مەسسەندجەرلەر ارقىلى قارجى پيراميدالارىن قۇرۋ فاكتىلەرى ورىن الۋدا. ماسەلەن، تۇركىستان وبلىسى بويىنشا اۋماقتىق دەپارتامەنتكە 25 ادام قارجى پيراميداسىنا شاعىمدانعان»، دەپ جازادى قر قارجى مونيتورينگى اگەنتتىگىنىڭ باسپاسوز قىزمەتى.

تەكسەرۋ بارىسىندا تۇركىستان قالاسىنىڭ تۇرعىنى WhatsApp مەسسەندجەرىندە «اسىل ينۆەست»، «اينالىم 30%» جانە «30% 3 كۇن ىشىندە» دەگەن اتتارمەن چاتتار قۇرىپ، تاراتۋ ارقىلى ازاماتتاردىڭ اقشاسىن قارجى پيراميداسىنا تارتقانى انىقتالدى.

سالىمشىلارعا سالىم سوماسىنىڭ 30% مولشەرىندە پايدا الۋعا كەپىلدىك بەرىلدى. اقشا قارجى پيراميداسىن ۇيىمداستىرۋشىنىڭ بانكتىك شوتتارىنا Kaspi.kz قوسىمشاسى ارقىلى اۋدارىلدى.

قازىرگى ۋاقىتتا شىعىن سوماسى 24 ميلليون تەڭگەدەن استى.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار