جيىنعا قر اقپارات جانە قوعامدىق دامۋ مينيسترلىگىنىڭ قىزمەتكەرلەرى, ساراپشىلار قاۋىمداستىعى مەن ۇكىمەتتىك ەمەس ۇيىمداردىڭ وكىلدەرى, بارلىق دەڭگەيدەگى قوعامدىق كەڭەستەردىڭ بەلسەندى مۇشەلەرى قاتىستى.
«ۇلتتىق بايانداما ءسىز بەن ءبىزدىڭ ورتاق جۇمىسىمىزدىڭ ناتيجەلەرىن كورسەتەدى, سوندىقتان ول قوعامدىق كەڭەستەر جۇمىسىنىڭ ناتيجەلەرى مەن تالداۋىن عانا ەمەس, بار ماسەلەلەردى جانە ولاردى رەتتەۋ جونىندەگى شارالاردى دا كورسەتۋى ءتيىس», دەپ اتاپ ءوتتى اقپارات ءمينيسترى.
ۆەدومستۆو باسشىسىنىڭ ايتۋىنشا, انىقتالعان ماسەلەلەردى شەشۋ ءۇشىن ازىرلەنگەن ۇسىنىمدار جەرگىلىكتى جەرلەردە دەر كەزىندە ىسكە اسىرىلۋى ءتيىس. العاش رەت ۇلتتىق بايانداما ەل پرەزيدەنتىنىڭ نازارىنا ۇسىنىلادى, سوندىقتان ول ساپالى, تولىققاندى جانە وبەكتيۆتى بولۋى كەرەك.
باياندامانى تالقىلاۋ بارىسىندا بەلگىلى ساياساتتانۋشىلار اندرەي چەبوتارەۆ, جۇلدىزاي ىسقاقوۆا مەن الەكساندر براتەنكوۆ ءوز باقىلاۋلارى مەن پىكىرىلەرىن ورتاعا سالدى.
«ۇلتتىق بايانداما جوباسى رەسپۋبليكاداعى قوعامدىق كەڭەستەر ينستيتۋتىنىڭ قالىپتاسۋىنىڭ نەگىزگى كەزەڭدەرىن قامتيدى, رەسپۋبليكالىق جانە جەرگىلىكتى دەڭگەيدە جيناقتالعان جۇمىس تاجىريبەسىن سيپاتتايدى», دەدى «التەرناتيۆا» وزەكتى زەرتتەۋلەر ورتالىعىنىڭ ديرەكتورى اندرەي چەبوتارەۆ.
ازاماتتىق قوعام اتىنان باياندامانىڭ مازمۇنى جونىندە باقىتگۇل حامبار, سەرگەي گۋلياەۆ, ايدار امرەباەۆ, گۇلنار قۇربانباەۆا, مارات ءباشىموۆ, بالجان دوسمۇحامەدوۆا, قايرات جاڭابەكوۆ سىندى جەتەكشى وتاندىق ساراپشىلار ءوز پىكىرلەرىمەن ءبولىستى.
زەرتتەۋ جۇمىسى بۇگىنگى قالىپتاسقان ساياسي جاعدايلاردا جۇمىس ىستەيتىن تاسىلدەردى قالىپتاستىرۋعا مۇمكىندىك بەرەتىن جانە قازاقستاندا ازاماتتىق قوعامدى ۇدەمەلى دامىتۋ شەڭبەرىندە قوعامدىق كەڭەستەر ينستيتۋتىن جەتىلدىرۋگە باعىتتالعان پروبلەمالىق ايماقتاردى انىقتاۋ مەن ۇسىنىمداردى تۇجىرىمداۋعا, قولدا بار تاسىلدەردى قايتا باعامداۋعا باعىتتالعان.
