سونىمەن قاتار وتاندىق قارجى ينستيتۋتتارىنىڭ 65 پايىزىنىڭ ۆەب-سايتتارى ەۋرووداقتىڭ جەكە دەرەكتەردى قورعاۋ تۋرالى جالپى ەرەجەسىنە ساي ەمەس. بۇل ارينە, كليەنتتەردىڭ ىقىلاسىن كەرى يتەرەتىن جاعىمسىز اقپار.
ء«بىز بىرقاتار بانكتىڭ قاۋىپسىزدىك جۇيەسىنەن اجەپتەۋىر كەمشىلىكتەردى انىقتادىق. كوبى ۆەب-سەرۆەرلەرىن ورناتۋ كەزىندە قاۋىپسىزدىكتىڭ نەگىزگى ادىستەرىن ەلەمەيدى جانە قىزمەتكەرلەردىڭ تسيفرلى قاۋىپسىزدىك تۋرالى حاباردار بولماۋى بانكتىڭ ءوزىنىڭ دە, ونىڭ كليەنتتەرىنىڭ دە دەرەكتەرىنە شىن مانىندە قاۋىپ ءتوندىرۋى مۇمكىن. مۇنداي كەزدە «ەلەۋسىز» جانە «كىشكەنتاي» پروبلەما بولمايدى. ونىڭ قاي-قايسىسى دا دەرەكتەر مەن قاراجاتتى قولدى قىلۋعا كەز كەلگەن ساتتە جول اشىپ بەرۋى ىقتيمال. ءبىز اگەنتتىككە قاجەتتى اقپاراتتاردى ۇسىندىق. ولار كەمشىلىكتەردى تۇزەۋ بويىنشا بانكتەرمەن جۇمىس جۇرگىزدى» دەيدى «دەلويت» كومپانياسىنىڭ تاۋەكەلدەردى باسقارۋ دەپارتامەنتىنىڭ باسشىسى ۆلاديمير رەمىگا.
اگەنتتىكتىڭ كيبەرقاۋىپسىزدىك باسقارماسىنىڭ باستىعى رومان پەرمينوۆتىڭ ايتۋىنشا, ولار ۇلتتىق بانكپەن بىرلەسىپ قارجى سەكتورى كيبەرقاۋىپسىزدىگىنىڭ 2020-2022 جىلدارعا ارنالعان ستراتەگياسىن ازىرلەپ, بەكىتكەن. سونىڭ ناتيجەسىندە اقپاراتتىق قاۋىپسىزدىك تاۋەكەلدەرىن باعالاۋ ادىستەمەسى جانە قورعالۋ دەڭگەيىن باعالاۋ قاعيدالارى ەنگىزىلىپ, بانكتەر مەن باعالى قاعازدار نارىعى ءۇشىن اقپاراتتىق قاۋىپسىزدىك جونىندەگى تالاپتار وزگەرگەن.
«اگەنتتىك تەك قارجى نارىعىن رەتتەۋمەن عانا ەمەس, سونىمەن قاتار دامىتۋمەن دە اينالىسادى. ءبىز سالالىق اقپاراتتىق قاۋىپسىزدىك ورتالىعى سياقتى باعىتتى دامىتۋدامىز. قارجى سەكتورى – وسىنداي تاجىريبە باستالعان قازاقستانداعى العاشقى سالا, ەكونوميكانىڭ باسقا سەكتورلارىندا سالالىق اقپاراتتىق قاۋىپسىزدىك ورتالىقتارىن قۇرۋ ەندى عانا جوسپارلانىپ جاتىر. ءبىز قارجى ۇيىمدارىن ورتالىقتىڭ دەرەكتەر الماسۋدى قامتاماسىز ەتەتىن ءتيىستى اقپاراتتىق جۇيەسىنە قوسىلۋدى مىندەتتەگىمىز كەلەدى» دەيدى ر.پەرمينوۆ.
2020-2021 جىلدارى كيبەرشابۋىلداردىڭ الدىن الۋ ماقساتىندا اگەنتتىك 20 الاياقتىق ينتەرنەت-رەسۋرستى, ونىڭ ىشىندە قارجىلىق پيراميدا بەلگىلەرى بار 13 ينتەرنەت-رەسۋرستى بۇعاتتاعان. بانكتەرگە اقپاراتتىق قاۋىپسىزدىك قاتەرلەرى تۋرالى 400-دەن استام ەسكەرتۋ جىبەرىلىپ, ولاردان كەلىپ تۇسكەن 300-دەن استام اقپاراتتىق وقىس وقيعا كارتاسى وڭدەلىپتى. ەندىگى رەتتە اقپاراتتىق قاۋىپسىزدىك پروتسەستەرىن اۆتوماتتاندىرىپ, ادام رەسۋرسىن ۇنەمدەۋ ءۇشىن Qainar اقپاراتتى وڭدەۋدىڭ اۆتوماتتاندىرىلعان جۇيەسى قاناتقاقتى دەڭگەيدە ىسكە قوسىلعان. جۇيە اقپاراتتىق قاۋىپسىزدىك وقيعالارىن, سيگنالدار مەن وقىس وقيعالاردى تىركەيدى, قاۋىپ پەن وسال تۇس تۋرالى ەسكەرتەدى.
قازىرگى كەزدە بارلىق 22 بانك Qainar-عا قوسىلعان. سونىڭ ىشىندە 8 بانك («ەۋرازيالىق بانك» اق, «رەسەي سبەربانكى» اق ەب, «بانك تسەنتركرەديت» اق, ForteBank اق, «الفا-بانك» ەب اق, Bank RBK اق, Halyk Bank اق, Altyn Bank اق) ءوزارا ءىس-قيمىل جاساۋدىڭ اۆتوماتتاندىرىلعان تەتىگىن پايدالانادى ەكەن.
«2020 جىلى الماتى قالاسى پروكۋراتۋراسىنىڭ جەدەل-ىزدەستىرۋ توبىنىڭ كەيبىر قازاقستاندىق بانكتەردەگى تسيفرلى ارنالار ارقىلى اقشالاي قاراجاتتى جىمقىرۋ دەرەگى بويىنشا سوتقا دەيىنگى تەرگەپ-تەكسەرۋىنە قاتىستىق. تسيفرلى ماتەريالدارعا تالداۋ جۇرگىزىلىپ, مامانداردىڭ قىلمىستىق ءىس شەڭبەرىندەگى قورىتىندىسى دايىندالىپ, الماتى قالالىق پروكۋراتۋراسىنا تاپسىرىلدى.
كيبەرقاۋىپسىزدىكتى قامتاماسىز ەتۋ جۇيەسىنىڭ الدىندا جاڭا ءارى كۇردەلى سىناقتاردىڭ تۇرعانىنا قاراماستان, نارىقتىڭ بۇل سەگمەنتى سەرپىندى دامۋدا. حالىقارالىق تاجىريبەنى تالداۋ, پايدالانۋ, سونداي-اق كاسىبي دەڭگەيى جوعارى ماماندارمەن ءوزارا تىعىز ءىس-قيمىل جاساۋ ارقىلى قازاقستاننىڭ قارجى سەكتورى تۋىندايتىن قاۋىپ-قاتەرلەرگە تويتارىس بەرۋگە جانە اقپاراتتىق ءارى كيبەرقاۋىپسىزدىكتى قامتاماسىز ەتۋدى ودان ءارى جەتىلدىرۋگە دايىن», دەيدى دەپارتامەنت باسشىسى.
