«ۇلتتىق بايانداما ءسىز بەن ءبىزدىڭ ورتاق جۇمىسىمىزدى كورسەتەدى, سوندىقتان ول قوعامدىق كەڭەستەر جۇمىسىنىڭ ناتيجەلەرى مەن تالداۋىن عانا ەمەس, بار پروبلەمالاردى جانە ولاردى جويۋ شارالارىن دا كورسەتۋى ءتيىس», دەدى ا.بالاەۆا.
باياندامانى دايىنداۋ نەگىزىنە حالىق اراسىندا ساۋالناما جۇرگىزۋ جانە قاتارداعى ازاماتتاردىڭ قوعامدىق كەڭەستەر قىزمەتى تۋرالى جەكە باعالارى, الەۋمەتتىك زەرتتەۋلەر كىردى.
مينيستر باياندامانىڭ مەملەكەت باسشىسىنا العاش رەت ەنگىزىلەتىنىن, ياعني, ساپالى, تولىق جانە وبەكتيۆتى بولۋى ءتيىس ەكەنىن اتاپ ءوتتى. ول ورىن العان پروبلەمالاردى شەشۋ ءۇشىن ازىرلەنگەن ۇسىنىمداردى جەرگىلىكتى جەرلەردە ۋاقتىلى ىسكە اسىرۋ قاجەتتىگىن اتاپ ءوتتى.
باياندامانى تالقىلاۋ كەزىندە ساراپشىلار: اندرەي چەبوتارەۆ, جۋلدىزاي يسكاكوۆا, الەكساندر براتەنكوۆ ءسوز سويلەدى. ولار بايانداما جوباسى رەسپۋبليكالىق جانە جەرگىلىكتى دەڭگەيلەردە جيناقتالعان تاجىريبەنى سيپاتتايتىنىن اتاپ ءوتتى.
ازاماتتىق قوعام وكىلدەرى باكىتگۋل حامبار, سەرگەي گۋلياەۆ, ايدار امرەباەۆ, گۋلنار كۋربانباەۆا, مارات باشيموۆ, بالجان دوسمۋحامەدوۆا, كايرات جانابەكوۆ مازمۇن بويىنشا ءوز پىكىرلەرى مەن ۇسىنىستارىمەن ءبولىستى.
ەستەرىڭىزگە سالا كەتەيىك, قوعامدىق كەڭەستەر تۋرالى زاڭنامانىڭ جاڭا نورمالارىنا سايكەس, قوعامدىق كەڭەستەردىڭ قىزمەتى تۋرالى ۇلتتىق باياندامانى دايىنداۋ جانە مەملەكەت باسشىسىنا ەنگىزۋ العاش رەت زاڭنامالىق دەڭگەيدە بەكىتىلدى.
