ونىڭ ايتۋىنشا, ىزدەۋ جۇيەلەرى مەن ىزدەۋ جۇيەسىنىڭ وپەراتورلارىنا زاڭنامالىق انىقتامالار بەرىپ, جەلىلىك باسىلىمدار ۇعىمىن نەعۇرلىم ناقتى انىقتاۋ قاجەت.
«الەۋمەتتىك جەلىلەردەگى كەيبىر اككاۋنتتار مەن ارنالار كوپتەگەن جازىلۋشىلار مەن كورىنىستەردىڭ ارقاسىندا اقپاراتتى جاپپاي تاراتۋ قۇرالدارىنىڭ بىرىنە اينالدى. وسى تۇستا ماڭىزدى سۇراق تۋىندايدى – ولاردى باق-پەن قالاي بايلانىستىرامىز؟ مينيسترلىك وسى باعىتتاردىڭ بارلىعىنا جاڭا تۇسىنىك بەرۋدى ۇسىنادى. قازىر جۇمىس توبىنىڭ قاراۋىنا ەنگىزەتىن تۇجىرىمدامالار ازىرلەنۋدە», دەپ اتاپ ءوتتى ۆيتسە-مينيستر.
«مىسالى, تسيفرلىق جانە كابەلدىك تەلەراديو حابارلارىن تاراتۋدىڭ ءداستۇرلى وپەراتورلارىنان قازىرگى زامانعى IPTV-تەحنولوگيالاردى پايدالانا وتىرىپ, عالامتور جەلىسىندە تەلەۆيزيالىق كونتەنتتى تاراتاتىن كومپانيالارعا زاڭناما تالاپتارى نەگە قولدانىلمايدى دەگەن سۇراق تۋىندايدى. سوندىقتان ينتەرنەت-كەڭىستىكتە تۆ كونتەنتتى تاراتۋشىلارعا جانە تەلەراديو حابارلارىن تاراتۋدىڭ ءداستۇرلى وپەراتورلارىنا قويىلاتىن جالپى تالاپتاردى انىقتاۋ قاجەتتىلىگى ماسەلەسى زەرتتەلۋدە», دەپ قورىتىندىلادى سپيكەر.
