“قازاگروقارجى” قولداعان جوبالار

اقتوبە وبلىسىنىڭ اكىمى ەلەۋ­سىن ساعىندىقوۆ وسى كومپانيا قارجىلاندىرىپ وتىرعان “ايس” جشس تاۋارلى-ءسۇت فەرماسى قۇرى­لىسىنىڭ باسىندا بولىپ, يننوۆاتسيالىق جوبانىڭ جۇزەگە اسىرىلۋ بارىسىمەن تانىستى. سەرىكتەستىك باس ديرەكتورىنىڭ ورىنباسارى سماعۇل بەيسەمباەۆ جوبانىڭ وندىرىستىك قۋاتى ءجايلى وبلىس باسشىسىنا مالىمدەي كەلە, وسى كەزگە دەيىن اتقارىلعان شا­رۋا­لاردى جۇيەلەپ جەتكىزدى. ونىڭ ايتۋىنشا, اتالعان جوبا وبلىس تۇرعىندارىنىڭ ءسۇت ونىمدەرىنە دەگەن سۇرانىسىن وتەۋگە باعىت­تالعان ەكەن. فەرمادا جىلىنا 7,2 مىڭ توننا ءسۇت وندىرىلەدى, ونىڭ كەمىندە تەڭ جارتىسى ەكسپورتقا شىعارىلادى دەپ كۇتىلۋدە. جوبا­نىڭ سمەتالىق قۇنى 3 ملرد. 136,10 ميلليون تەڭگە قۇرايدى. وسىن­شاما قارجىنىڭ تەڭ جارتىسىنان استامى يگەرىلىپتى. بيىلعى جىلعى 1 شىلدەگە دەيىن بۇكىل جۇمىستى ات­قارىپ, ءوندىرىستى ىسكە قوسۋ كوزدەلۋدە. مۇندا گوللانديالىق “Van Der PLOEG” فيرماسىنىڭ وزىق تەح­نولوگيالىق جابدىقتارى ورناتى­لاتىن بولادى. وبلىس باسشىسى قۇرىلىس باسىندا بولعان كەزىندە سەرىكتەستىك, “قازاگروقارجى” كوم­پانياسى وبلىستىق فيليالى­نىڭ جەتەكشىسىمەن پىكىر الىسىپ, ولاردىڭ اتقارىپ جاتقان شارۋا­لارىن ماقۇلداپ, قولداۋ ءبىلدىردى. تاۋارلى-ءسۇت فەرماسىن پايدالا­نۋعا بەرۋ ءوڭىر ەكونوميكاسىن دامىتۋعا, تۇرعىنداردى ءسۇت ءونىم­دەرىمەن ۇزدىكسىز قامتاماسىز ەتۋگە ىقپال ەتەتىنىن اتاپ ءوتتى. گوللانديادان مول ءونىم بەرە­ت­ىن ءسۇتتى گولشتين-فريز تەكتى سيىرلارى اكەلىنەدى. 1100 سيىر ۇستاۋعا ارنالىپ سالىنىپ جاتقان كەشەندەگى ەكى قورادا سيىرلار باعىلادى. جاس شاماسىندا قاراي بۇزاۋلار تۇراتىن ءۇش قورا دا ءبى­تۋگە جاقىن. بۇدان باسقا ءۇش قۇراما جەم تسەحى, تاۋلىگىنە 23,6 توننا ءسۇت ساۋاتىن ورىن سالىنىپ جاتىر. قازىرگى ۋاقىتتا فەرما قۇرىلىسىن سالۋمەن بەس مەردى­گەرلىك ۇيىم اينالىسۋدا, وندا بارلىعى 100 ادام ەڭبەك ەتۋدە. فەر­ما جاڭا تەحنولوگياعا نەگىزدە­لىپ سالىنعاندىقتان, مۇندا جۇمىس كۇشى دە كوپ قاجەت ەتىلمەيدى, وس­ىنشاما سيىردى نەبارى بەس-التى ساۋىنشى ساۋاتىن كورىنەدى. ولار­دان باسقا قوسالقى جۇمىستار­دى قوسقاندا كەشەندە 80 ادامعا جۇمىس ورنى اشىلماقشى. ون جىلدان استام ۋاقىت جۇ­مىس ىستەپ كەلە جاتقان “قازاگرو­قارجى” اق باسىندا 80-90 پايىزى ەسكىرگەن ەلىمىزدىڭ اۋىل شارۋاشى­لىعىنىڭ تەحنيكالىق پاركىن جا­ڭارتۋ ماسەلەسىن شەشۋگە قۇرىل­عان-دى. كومپانيا ءبىرىنشى كۇننەن باستاپ اۋىل شارۋاشىلىعى سالا­سىنىڭ ستراتەگيالىق جانە سەنىمدى ارىپتەسى بولىپ كەلەدى. ەلباسىنىڭ ەلىمىزدىڭ اگروونەركاسىپ كەشەنى سالاسىنداعى تۇجىرىمدى ساياساتى ارقاسىندا كومپانيا قىزمەتى اۋىل شارۋاشىلىعىن دامىتۋ ءۇشىن اناعۇرلىم وڭتايلى جانە تۇ­تىنۋشلاردىڭ كوبىنە قولجەتىمدى بولىپ وتىر. قازىر “قازاگرو­قارجى” اق جوبالاردى تەك قانا ماشينە-تراكتور پاركىن جاڭارتۋ باعىتىندا ەمەس, اۋىل شارۋاشىلىعى ءونىم­دە­رىن ءوندىرۋ جانە وڭدەۋ سالاسىندا جۇزەگە اسىرۋعا ينۆەستيتسيا سالىپ, باسەكەگە قابىلەتتى جانە ەكسپورتقا باعىتتالعان ونىمدەر شىعارۋدى قار­جىلاي قولداپ كەلەدى. “قاز­اگرو­­قارجى” اق اقتوبە فيليالى بيىل وبلىستا ءۇش ءىرى جوبانى پاي­دالانۋعا بەرمەكشى. ءبىز وسى شارۋانىڭ باسى-قاسىندا جۇرگەن “قازاگرو­قارجى” اق-تىڭ اقتوبە فيليالىنىڭ ديرەكتورى قورعان ءنۇرتازيندى سوزگە تارتىپ, قالعان ەكى جوبا تۋرالى دا تاراتىپ ايتۋ­ىن وتىنگەن ەدىك. – بۇدان باسقا العا اۋدانى بەستاماق ەلدى مەكەنىندە سالىنىپ جاتقان “پاريجسكايا كوممۋنا- ءححى” جشس-نىڭ 40 مىڭ شوش­قا­لىق كەشەنى دە بيىل پايدالانۋعا بەرىلمەكشى. جوبانىڭ جالپى قۇ­نى 2,4 ملرد. تەڭگە بولادى. كە­شەننىڭ جوبالىق قۋاتى بويىنشا مۇندا 40 مىڭ شوشقا ۇستالادى. وسىناشاما شوشقانى ازىقتان­دىرۋ ءۇشىن ساعاتىنا 10 توننا قۇ­راماجەم وندىرەتىن تسەح, اۋىسى­مىنا 150 شوشقا سويىلاتىن قاساپحانا دا سالىندى. بۇل جوبا جۇزەگە اسقاندا شوشقا وسىرىلەدى, جارتىلاي دايىن ەت, شۇجىق ءون­ىم­دەرى شىعارىلادى, اسىل تۇقىم­دى تورايلار وسىرىلەدى. كەشەندە عانا جاڭا جۇمىس ورىندارى اش­ىلادى. ال, كەشەننىڭ پايدالانۋعا بەرىلۋى قىتاي مەن قىرعىزستاننان اكەلى­نەتىن توڭازىتىلعان ەتتىڭ ۇلەسىن ازايتىپ, وندىرىلگەن ەت, شۇجىق ونىمدەرىنىڭ بەلگىلى ءبىر بولىگىن رەسەيدىڭ كورشىلەس وب­لىستارىنا شىعارۋعا مۇمكىندىك بەرەدى, – دەيدى ول. قورعان ءنۇرتازيننىڭ ءمالىم­دەۋىنشە, جالپى قۇنى 1 ملرد. تەڭ­گە بولاتىن جىلىجايدىڭ جوبالىق قۋاتى جىلىنا 1200 توننا تومات وندىرۋگە ەسەپتەلگەن. مۇندا وتىز بەس جاڭا جۇمىس ورىنى اشىلادى. جىلىجاي كەشەنى اۋا رايىنا قاراماستان جىل بويى ءونىم وندىرۋگە نەگىزدەلگەن, بۇل وسى ونىمدەرگە باعانى تۇراقتى ۇستاپ تۇرۋعا مۇمكىندىك بەرەدى. بۇل جوبالاردىڭ ارتىقشىلىعى سول “قازاگرو­قارجى” اق وسى زامانعى وزىق تەحنولوگيالىق قوندىرعىلار ساتىپ الۋدى قارجىلاندىرىپ وتىر. مۇنىڭ ءوزى قازىرگىدەي باسە­كەلەستىك جاعدايىندا ساپالى ءونىم وندىرۋگە العىشارت جاسايتىنى ءسوزسىز. اقتوبە قالالىق اكىمدىگى وسى تولىق ينفراقۇرىلىممەن قامتاماسىز ەتىلگەن جىلىجايلار ءۇشىن 60 گا جەر ءبولدى. وسى ءۇش ءىرى جوبا اقتوبە قالاسىنىڭ ازىق-ت ۇلىك بەلدەۋىن جاساۋدى قامتاما­سىز ەتىپ قانا قويمايدى, باسەكەگە قابىلەتتى ساپالى ونىمدەردى سىرتقا شىعارۋعا دا ءساتتى قادامدار جاساۋعا مۇمكىندىك بەرەدى. كومپانيا فيليالى سونداي-اق, “ايس” جشس-ىندا ساعاتىنا 500 كيلو بالمۇزداق, “كومپانيا روكوس” جشس-ىندا شۇجىق ونىمدەرىن, “تاعام رەگيون” جشس نان ونىمدەرىن شىعاراتىن شاعىن جوبالاردى دا قارجىلاندىرىپ وتىر. “قازاگرو­قارجى” اق-تىڭ اقتوبە فيليالى وبلىستىڭ اۋىل شارۋاشىلىعى قۇرىلىمدارى اراسىندا بەرىك سەنىمگە يە بولعان بىردەن-ءبىر قارجىلىق كومپانيا دەسە دە بولادى. وسىنداي ءىرى جوبالاردى قارجىلاندىرۋمەن بىرگە, وبلىستىڭ شارۋاشىلىق قۇ­رىلىمدارىنىڭ ماشينە-تراكتور پاركىن جاڭارتۋعا دا وزىندىك ۇلەسىن قوسىپ كەلەدى. ءوزى جۇمىس ىستەي باستاعان ون جىلدا وبلىسقا جالپى باعاسى 11 141,2 ملن. تەڭگە تۇرا­تىن 661 تەحنيكانى ليزينگتىك ادىسىمەن الىپ بەردى. بيىل اۋىل شارۋاشىلىعى قۇرىلىمدارى جالپى قۇنى 700 ملن. تەڭگە بولاتىن 30 تەحنيكانى ليزينگكە ساتىپ الۋعا تاپسىرىس بەرىپتى. قازىردىڭ وزىندە 146,3 ملن.تەڭگەگە كەلىسىم-شارت جاساسىپتى. بىلتىر وبلىس شارۋاشىلىقتارىنا 4224 ملن. تەڭگەنىڭ تەحنيكا مەن تەح­نولوگيالىق جابدىقتاردى ساتىپ الۋدى قارجىلاندىرعان ەكەن. وتكەن جىلدارعا قاراعاندا تاپسىرىستىڭ تومەندەۋىنىڭ نەگىزگى سەبەبى بىلتىر اۋا رايىنىڭ قۋاڭشىلىعى سالدارىنان ەگىننىڭ شىقپاي قالعاندىعى, استىق دا­قىل­دارىن وتكىزۋ رىنوگىنىڭ بول­ماۋى دەيدى ماماندار. قالىپ­تاسقان جاعداي بۇرىن الىنعان تەحنيكالار ءۇشىن ۋاقتىلى وتەم جاساۋعا اسەر ەتىپ وتىرعان كورى­نەدى. سونىمەن بىرگە “قازاگرو­قارجى” اق ەلباسىنىڭ اگروونەر­كاسىپتىك كەشەندى دامىتۋ ساياساتىن جۇزەگە اسىرۋ مەن شارۋاشىلىق قۇرىلىمدارىندا ەڭبەك ءونىمدى­لى­گىن ارتتىرۋ, باسەكەگە تۇسە الاتىن اۋىلشارۋاشىلىق ونىمدەرىن شىعارۋدى قارجىلىق جانە لي­زينگتىك قىزمەت كورسەتۋ ارقىلى قولداۋ جۇمىستارىن جۇرگىزەدى. ون جىل بويىنا اۋىل شارۋاشىلىعىن قارجىلاي قولداپ كەلە جاتقان كومپانيا ءوزى ارىپتەستىك قاتىناس قالىپتاستىرعان “قۇمقۇدىق”, “ەڭبەك-اگرو”, “قازاقستاننىڭ 30 جىلدىعى”, “دوستىق”, ء“ۇمىت-نا­دەجدا”, “فەرما يران” جاۋاپ­كەر­شىلىگى شەكتەۋلى سەرىكتەستىكتەرى ءجا­نە “بۇلاق” شارۋا قوجالىقتارى سياق­تى شارۋاشىلىق قۇرىلىم­دا­رىنا بيىلعى ەگىننىڭ ونىمدە­رىمەن وتەم جاساۋعا مۇمكىندىك بەرىپ وتىرعانى دا قۇپتارلىق. مۇنداي كومەك بەرۋ ءبىر رەتتىك ەمەس تە ەكەن. اۋا رايى قۋاڭشى­لىق­تى وتكەن جىلى دا قارىزىن كەي­ىن وتەۋگە ءوتىنىش جاساعان شا­رۋاشى­لىق­تارعا وسىنداي ءمۇم­كىندىك بەرىلىپتى. ءبىز “قازاگرو­قارجى” اق قار­جىلاي قولداپ وتىرعان جوبالار­داعى جۇمىس قارقىنىن كورىپ, كومپانيانىڭ شارۋا ادامىنا قولايلى قاعيدالار ۇستانىپ وتىر­عانىن كوردىك. اۋىلدىڭ اجارىن كىر­گىزەتىن قادامدارعا بارىپ وتىر­عان اكتسيونەرلىك قوعامنىڭ اقتوبە فيليالىنىڭ قادامدارىنا ءساتتى­لىك تىلەدىك. قۇداي قالاسا, اقتو­بەلىكتەر بۇل جوبالاردىڭ يگىلىگىن كورەتىنى دە ءسوزسىز. كومپانيانىڭ قول­داۋ كومەگىن سەزىنگەن شارۋاشى­لىق قۇرىلىمدارىنىڭ ارىپتەس­تىكتىڭ ادەبىنەن اسپاي قارىزدارىن قاي­تاراتىنىنا سەنىم مول. ساتىبالدى ءساۋىرباي. اقتوبە وبلىسى.