بۇل يگىلىكتى ىسكە مۇرىندىق بولعان مادەنيەت جانە سپورت مينيسترلىگى مادەنيەت كوميتەتى مەن «قازاقستان جاستارىنىڭ كونۆەنتى» جەكە قورى. جوبانىڭ ماقساتى – قولونەر سالاسىنداعى اۋقىمدى ەڭبەك داعدىلارىن ۇيرەتۋ ارقىلى قازاقستانداعى ايەلدەردىڭ ەكونوميكالىق جانە كاسىبي مارتەبەسىن كوتەرۋ.
سەمينار ونلاين فورماتتا 4 كۇنگە سوزىلدى. جوبا شەڭبەرىندە قولونەرشىلەردىڭ تۇراقتى ەڭبەك داعدىلارىن الۋى, كاسىپقويلىقتى ارتتىرۋ, كوشباسشى ايەلدەردى انىقتاۋ, ىسكەرلىك بايلانىستاردى كەڭەيتۋگە جاردەمدەسۋ, دايىندالعان قولونەر بۇيىمدارىن جەرگىلىكتى جانە حالىقارالىق نارىقتاردا ودان ءارى ىلگەرىلەتۋ كوزدەلدى.
سەمينار ساباقتاردا دايىندالاتىن قولونەر بۇيىمدارى بولشەكتەرىنىڭ تۇرلەرى جانە جاساۋ تەحنيكالارىنىڭ ادىستەرى كەڭىنەن ءتۇسىندىرىلىپ, تولىقتاي اقپارات بەرىلدى. اتاپ ايتقاندا, «شىم شي», «كەپتىرۋ», «جۇمساق كەسكىندەمە», «پلاستيكالىق قۇراق» تەحنيكالارى ارقىلى بۇيىم جاساۋ ىستەرى قىز-كەلىنشەكتەردى قاتتى قىزىقتىردى. قاتىسۋشىلار كادەسىي, مويىنعا تاعاتىن القالار, ادەمى تانامونشاق, ءساندى تۇيرەۋىش, جۇمساق كەسكىندەمەدەن كارتينالار, زاماناۋي ترەندتەردەن شوپپەر جانە ەكو سومكەلەر جاساۋدى تولىقتاي مەڭگەردى.
جالپى, ونلاين سەمينارعا رەسپۋبليكامىزدىڭ 15 وڭىرىنەن 150-دەن استام كوپبالالى انا, جۇمىسسىز ايەل, سۋرەتشى-ديزاينەر, ديزاينەر, ساندىك-قولدانبالى ونەرتانۋشى جانە قولونەرشى قاتىستى.
جوبانى ىسكە اسىرۋعا قازاقستان سۋرەتشىلەر وداعىنىڭ مۇشەسى, قولدانبالى ونەر شەبەرى ءاليا قانىبەكوۆا, سۋرەتشى-ديزاينەر گۇلمارال تاتىباەۆا, ديزاينەر ناتاليا ليگاي, ونەرتانۋشى ناتاليا باجەنوۆا باستاعان بىرنەشە ونەرتانۋشى اتسالىستى.
سەمينار سوڭىندا بارلىق قاتىسۋشىعا ارنايى سەرتيفيكاتتار تابىستالدى.
