«جەدەل ارەكەت ەتۋدى تالاپ ەتەتىن ماسەلەلەرگە توقتالعىم كەلەدى. بيىل الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى 10,4%-عا ءوستى. 9 ايدىڭ قورىتىندىسى بويىنشا ينفلياتسيانىڭ جالپى ءوسىمى 8,9%-دى قۇرادى», دەدى قاسىم-جومارت توقاەۆ مونوقالالاردى دامىتۋ ماسەلەلەرى جونىندەگى كەڭەستە.
مەملەكەت باسشىسى اتاپ وتكەندەي, ازىق-ت ۇلىك تاۋارلارى باعاسىنىڭ ءوسۋ قىسىمىمەن ينفلياتسيا 6% جوعارعى دەڭگەيدەن وتەتىنى انىق.
«ۇكىمەت پەن ۇلتتىق بانككە ينفلياتسيانى 8,5% شەگىندە ساقتاۋدى تاپسىرامىن. مەنىڭ تاپسىرمام بويىنشا دەلدالدىق سحەمالاردى تەكسەرۋ جونىندەگى وڭىرلىك كوميسسيالار قۇرىلدى. ناتيجەلەردى پرەزيدەنت تە, ازاماتتار دا كورمەيدى. پرەزيدەنت اكىمشىلىگى مۇنى ءتۇسىنىپ, ءبىر اپتا مەرزىمدە بايانداۋى ءتيىس», دەپ تۇيىندەدى قاسىم-جومارت توقاەۆ.
