«جالپى ەپيدەميولوگيالىق جاعداي جاقسارىپ كەلەدى. بارلىق وڭىرلەردە ۆيرۋس جۇقتىرۋ دەڭگەيى, اۋىر جاعدايداعى ناۋقاستاردىڭ, ستاتسيونارلىق جانە امبۋلاتوريادا ەم الىپ جۇرگەندەردىڭ سانى ازايدى. الماتى جانە نۇر-سۇلتان قالالارى «قىزىل» ايماقتان شىقتى. قازىر وندا تاعى ءتورت ءوڭىر قالدى.
«سارى» ايماقتا – 4, «جاسىل» ايماقتا – 9 وبلىس بار. دەگەنمەن كورشى ەلدەردەگى جاعدايدى دا ەسكەرۋ كەرەك. بارلىق وڭىرلەردە شەكتەۋ شارالارىن قامتاماسىز ەتۋ قاجەت. مونيتورينگ توپتارى كۇشەيتىلگەن رەجيمدە جۇمىس ىستەۋگە ءتيىس», دەدى ول ۇكىمەت وتىرىسىندا.
سونداي-اق, پرەمەر-مينيستر ۆاكتسينالاۋ قارقىنى ايتارلىقتاي جاقسارا قويماعانىن اتادى.
«قازىرگى ۋاقىتتا 8,3 ميلليوننان استام ادام ەكپەنىڭ ءبىرىنشى كومپونەنتىن, 8,5 ميلليوننان استام ادام ەكىنشى كومپونەنتىن الدى. ەلوردا, سولتۇستىك قازاقستان, ماڭعىستاۋ, قوستاناي, اقمولا, باتىس قازاقستان وبلىستارى قارقىندى كۇشەيتسىن. اكىمدىكتەر مەن دەنساۋلىق مينيسترلىگى ەمۋدەۋ مەكەمەلەرىنىڭ قويمالارىنداعى دارىلىك پرەپاراتتار مەن بۇيىمدارعا تەكسەرۋ جۇرگىزىپ, ولاردىڭ قاجەتتى كولەمىن تولىق قامتاماسىز ەتسىن», دەدى اسقار مامين.
